حسن الرداد: بحس بنجاح العمل برد فعل الشارع.. ونسيت أسماء كاست مسلسل محارب في الفيديو بجد
كشف الفنان حسن الرداد، تفاصيل شخصيته في مسلسل محارب، الذي يخوض به السباق الرمضاني المقبل 2024.
وقال حسن الرداد في لقائه مع القاهرة 24: مسلسل محارب هو عمل درامي، وسعيد جدًا بالدور هو مختلف بالنسبة ليا وشخصية عزيز محارب مجموعه كان يدخله كلية طب لكن ظروفه الاقتصادية منعته، واستغل سواق ميكروباص علشان يساعد أمه ويصرف على أهله، هو شاب بسيط مصري عايز يعيش حياته بسلام، ولكن بيقابله موقف بيغير حياته.
وتابع حسن الرداد: أنا شايف إن الناس بتحب كل حاجة وأذواقها مختلفة وأعمارها مختلفة، ولازم يكون نوعين موجودين الشعبي والتراجيدي.
كما علق حسن الرداد، على ترند فيديو أسماء كاست مسلسل محارب، قائلًا: فكرة الفيديو اللي نسيت فيه اسماء الكاست كان فكرة كاتب المسلسل محمد سيد بشير، كان دعاية للمسلسل بطريقة غير مباشرة، أن بدل ما نقول أنا عندي العمل الفلاني، فماذا لو الجمهور هو اللي دخل يدور على المسلسل وأبطاله.
وأضاف حسن الرداد: لكن أنا فعلًا في الفيديو نسيت، لما جه سجل معايا فيديو 20 ثانية اتفاجئت ونسيت، وناس كتير كلموني من الخليج وأوروبا، وأنا بحس بنجاح الحاجة لما الشارع بيتكلم عليها.
أبطال مسلسل محارب
مسلسل محارب بطولة الفنان حسن الرداد، ويشارك فيه مجموعة من الفنانين، أبرزهم: أحمد زاهر، ماجد المصري، ناهد السباعي، نيرمين الفقي، محمود عمرو ياسين، منة فضالي، أحمد عنان، ملك أحمد زاهر، نور محمود، سلوى عثمان، وغيرهم، وهو من تأليف محمد السيد بشير، وإخراج شيرين عادل.
