الناس بتحاربني.. أورتيجا يكشف سبب غيابه عن الساحة الغنائية
كشف مغني المهرجانات أورتيجا، سبب غيابه عن الساحة الفنية خلال الفترة الماضية، مؤكدًا أنه تعرض لحرب كبيرة ولجان إلكترونية مؤخرا، مما أدى لعدم طرحه أي أعمال غنائية.
أورتيجا: فيه ناس كانت بتحاربني
وقال أورتيجا في تصريح خاص لـ القاهرة 24، إن مجموعة من الأشخاص أشعلت حربًا ضده، واستطاعت حذف مجموعة من أعماله الغنائية بدون سبب، وهذا ما جعله يتغيب عن الساحة الغنائية خلال الفترة الماضية.
وأوضح: بعض الناس بتئذيني وتخش تقفل الأكونتات وتمسح Views ويعملو Strike وCopy Right على كل حاجتي، لمجرد إن أنا معرفش أشتغل الفترة اللي فاتت دي كلها، وكانت حرب كبيرة عليا وقدرت أتخطاها وهبدأ من جديد إن شاء الله.
وأضاف أورتيجا: أنا كدا كدا واخد على الحاجات دي من ساعت ما بدأت ونزلت تراك بعنوان مش فارقة معايا، ويعني الواحد بيعمل come back وبيبدأ من جديد أهو بإذن الله، وأنا متحمس جدا ومركز جدا الفترة الجاية في الشغل.
وتابع أورتيجا: أنا مبيأسش بالعكس، الحاجات دي بتديني قوة، وإن شاء الله بقول للجمهور استنوني في حاجات كتير جدًا جدًا الفترة الجاية تليق بكل الجمهور، واستنو أورتيجا بشكل جديد وكويس وإن شاء الله أكون عند حسن الظن.
أغنية مش فارقة معايا
وطرح مغني المهرجانات أورتيجا، أغنية جديدة عبر حسابه على موقع الفيديوهات الشهير يوتيوب.
وجاءت كلمات الأغنية: اللي عاوز يفارقني يفارق، مش فارقه معايا، مش هبقى أنا تاني عليكم، خالص بأمانه، بتبيعوا وتخسروا في صحابكم، من أجل كاشات، وتخشوا تلقحوا على بعض، وترفعوا في حالات، كل اللي في قلبي وهتكلم، أنا مش مسؤول، في الدنيا انا عايش بتعلم، امتى أنا هفوق، فالحين في الرط والرغي، ومفيش سلكان، على قد كلامك اتكلم.
