حسام حبيب: تامر حسين وقف معايا وقالي اشتغل ميهمكش الفلوس.. عايزين نفرح بنجاحك
وجه الفنان حسام حبيب الشكر لـ الشاعر تامر حسين، بعد نجاحهما الأخير في أغنية كدابة، حيث أشار إلى أنه حسين سانده بشكل كبير، حتى يعود للساحة الغنائية، معربًا عن حبه الكبير وتقديره له.
وقال حسام حبيب في تصريحاته لـ القاهرة 24: تامر حسين أخ وصديق غالي، دعمني بشكل كبير في شغلي، قالي اشتغل حتى لو مش معاك فلوس، إحنا مش عايزين منك حاجة، إحنا بندعمك وعايزين نفرح بنجاحك.
وأكد حسام حبيب أنه يتعاون مع تامر حسين في أعمال كثيرة في الفترة المقبلة، قائلًا: في أغاني كتير الفترة الجاية مع تامر حسين ومدين، لكن تامر هو أخ وداعم هو اللي فضل ورايا ورجع لي حماسي عشان أشتغل، على المستوى الشخصي بشكره جدًا، وإن شاء الله أغانينا مع بعض ربنا يكتب لها النجاح.. وربنا يديم المحبة ما بينا.
وفي سياق آخر، سبق كشف تامر حسين في ندوته في القاهرة 24، إن حسام حبيب كان حريصًا على الحضور في تصوير أغنية الدهب لـ شيرين عبد الوهاب، نافيًا جميع التكهنات التي زعمت أن شيرين توجه كلمات الأغنية لـ طليقها الفنان حسام حبيب، حيث قال: حسام كان حاضر الفترة اللي عملنا فيها الأغاني، وشيرين كانت نشطة جدًا، وحسام كان بيسمع ويختار الأغاني مع شيرين وسمع أغنية كدابة والدهب من بدري وكان فرحان، لكن الناس بتحكم بمنظور آخر مش حقيقي.. ربنا يوفقهم هما الاتنين.
