بعد طلب الجمهور.. حقيقة تنفيذ مسلسل جعفر العمدة 2 ومشاركته في رمضان 2024
يتساءل الجمهور على مواقع التواصل الاجتماعي عن الجزء الثاني من مسلسل جعفر العمدة بطولة الفنان محمد رمضان، وذلك بعد النجاح الكبير الذي حققه العمل في السباق الرمضاني 2023.
تصريحات المخرج وفناني العمل عن جعفر العمدة 2
مي كساب: محمد سامي مش راضي عن الورق
تحدثت الفنانة مي كساب عن تقديم الجزء الثاني من مسلسل جعفر العمدة 2، وقالت في تصريحات خاصة لـ القاهرة 24: القرار لسة مش محسوم في جعفر العمدة 2، ولكن الجمهور عايز وإحنا لسة بندرس الموضوع، وحصل نقاش بيني وبين أستاذ محمد سامي، وقالي إنه مكنش راضي أوي عن الورق اللي عمله، فإحنا احتمال كبير المشروع ميتمش وكله في علم الله.
مهاب طارق: جعفر العمدة 2 في رمضان 2025
وأوضح مهاب طارق حقيقة تقديم مسلسل جعفر العمدة 2، قائلًا في تصريحات لـ القاهرة 24: مسلسل جعفر العمدة 2 هيتعمل في السباق الرمضاني 2025.
محمد سامي عن جعفر العمدة 2: الموضوع حساس شوية
قال محمد سامي في تصريحات تليفزيونية سابقة: في جزء ثاني من مسلسل جعفر العمدة، والموضوع حساس شوية، وبنهتم إن إحنا نعمل مشروع كويس، وإحنا ربنا كرمنا بنجاح جعفر العمدة، وده يحطنا في موقف أصعب في تقديم جزء ثاني، وقررنا ناخد وقتنا في المشروع، ومينفعش ننزل بجعفر العمدة، ولو في جزء ثاني مش شرط يكون في رمضان الجاي، بنتأنى بس لتقديم شيء جيد، والمسلسل كان وشه حلو وإحنا اشتغلنا بـ إخلاص وربنا كرمنا فيه.
أحمد فهيم عن تقديم جعفر العمدة 2: لازم نلبي طلب الجمهور
تحدث الفنان أحمد فهيم عن تقديم مسلسل جعفر العمدة 2، وقال في تصريحات تليفزيونية: الجزء الثاني من جعفر العمدة منعرفش هيكون امتى بس ده طلب الجمهور، وإن شاء الله لو في جزء تاني هيبقى أحسن من الأول بإذن الله، وده مطلب الجمهور مش احنا اللي قولنا وطلبهم لازم نلبيه منقدرش نغفله.
