أنا مش تريند وده قبول.. التيك توكر مصطفى السويسي: أبويا هيزعل لو تربحت من الفيديوهات| بث مباشر

وجه التيك توكر الشهير مصطفى السويسي، نصيحة إلى الشباب المقدم على السفر إلى أوروبا بالابتعاد عن الهجرة غير الشرعية، لأنها تعرض حياتهم للخطر، ناصحا إياهم بدلا من دفع مبالغ طائلة لذلك البدء في مشروع داخل مصر والاجتهاد والسعي في ذلك.

 التيك توكر الشهير مصطفى السويسي صاحب تريند مبتتحسبش كده ياصاحبي

وأشار إلى أنه سافر من مصر إلى إيطاليا منذ 16 عاما، ولم يكن لديه رغبة في السفر وتعرض لخطر الغرق أثناء السفر، موضحا أن السبب وراء سفره هو مساعدة أسرته على سداد ديونها على حيازة الأرض المملوكة لوالده.

وأوضح أنه ينشر عددا من مقاطع الفيديو عبر صفحته على موقع تيك توك والتي يصفها بالعفوية، مؤكدا أنه يحظى بقبول ومحبة من كثير من المتابعين وليس تريند كما يدعي البعض لأنه يرى أن القبول هو أدوم وأبقى لسنوات طويلة.

وتابع قائلا: بستحرم أخد فلوس على الفيديوهات من التيك توك.. لأن أبويا قالي حرام.. كمان الفلوس اللي بتيجي بالسهل بتروح بالسهل جدا.. وأنا مش تريند لأن التريند آخره يومين.. لمن فيه قبول ومحبة من الناس ودا اللي مخلينا بقالي سنين على التيك توك.

وأكد بأن الشعب الإيطالي يمتلك الكثير من الإيجابيات لكن أهمها هو عدم العنصرية والدليل احتوائهم للكثير من الجنسيات، مؤكدا أن بعض الجرائم الأخيرة التي قام بها بعض الشباب المصري تسئ للجميع هناك، قائلا: الإيطاليين كانوا واخدين انطباع عن المصريين إنهم بتوع شغل وبس.. وميزتهم إنهم مش عنصريين.. بعض جرائم الشباب المصري اللي حصلت بترجع بالأساس لقلة التربية في بيتهم.. كان ليا أخ ولما لقيته مش مظبوط.. ضربته ونزلته مصر تاني.. بقول للشباب اللي جاي ياكل عيش هنا لازم تفكر إنك لما بتعمل مشكلة بتأذي كل المصريين.

وأضاف قائلا: بخاف أتصور مع أي واحدة.. لأنه ما فيش صداقة بين راجل ومرأة وكما تدين تدان.. ما فيش مكتب إنتاج عرض عليا شغل في عمل فني.. وممكن اشتغل تمثل لو الحاجة هادفة.. ما تتخدعوش بالمظاهر.. وأنا باجي على نفسي علشان خاطر ولادي وبيتي.