الإثنين 15 أبريل 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

حلاق أنهى حياة شاب بالمنوفية لسرقته: لو ساب التوكتوك مكنتش موته

انهيار والدة الشاب
محافظات
انهيار والدة الشاب المقتول دفاعا عن التوكتوك الخاص به
الأربعاء 28/فبراير/2024 - 06:51 ص

حالة من الحزن تسيطر على أسرة شاب توفي غدرا بالمنوفية على يد آخر من الغربية، لا يعرفان بعضهما، ولكن طمع الدنيا والبعد عن الدين كان سببا رئيسيا في الحادث، القتيل شاب متعلم حاصل على الشهادة الجامعية يعمل مدرسا للطلاب من خلال دروس خاصة وفي المساء سائق توكتوك لتحسين الدخل، والقاتل حلاق هواه شيطانه إلى السرقة حتى يتحصل منها على أموال.

اعترافات الحلاق المتهم بقتل شاب بالمنوفية 


اعترف المتهم بقتل الشاب مصطفى أبو شوشة ابن مركز تلا بتفاصيل جريمته التي حرمها الله من فوق سبع سموات، أمام جهات التحقيق، حيث قال: أنا عندي أخ وعندي أختين أصغر منى وأنا شغال حلاق بقرية صناديد بمحافظة الغربية، وانا عايش في بيت تبع عمى وكنت متجوز فيه والدنيا كانت ماشية عادي وربنا كرمني بطفل اسمه حسن من حوالي 3 شهور وبعد كدة الدنيا كانت ضيقة خالص وأبويا كان بيتخانق معايا علطول علشان مكنتش لاقي شغل لحد أما طردني من البيت والكلام دة من حوالي خمس أيام قبل الحادث ومكنتش لاقي حتة أروح فيها وأخدت مراتي وابني وقعدت في أرض زراعية، وكنت بطلع أسرح في الخردة بس مكانتش بتجيب همها.

واستطرد الحلاق المتهم بقتل مصطفى شوشة إبن مركز تلا بمحافظة المنوفية: فجاتلى فكرة اني أسرق علشان اقدر اجيب مصاريف اصرف على أسرتي بيها وبالفعل الفكرة جت في دماغي قبل الحادثة بيوم والفكرة اني أوقف توك توك اقول له يقوم بتوصيلي ومن ثم تثبيته بسكينة واخد منه التوك توك والتليفون وبالفعل يوم الأربع انا كان معايا سكينة من ايام ماكنت بسرح في الخردة وخدتها وروحت سنتها عند حداد في البلد عندنا ويوم الأربع بليل.

وقال: أنا توجهت على مدينة تلا علشان دى أقرب حاجة ليا وركبت مع واحد معرفوش علشان يوصلني بابل ومن بابل خدت مواصلة بـ3 جنيه علشان توصلني على تلا ووصلت تلا حوالى الساعة 10:30 مساءً ووقفت بعد ما تعدي السكة الحديد يمين تقريبا قدام المستشفى الناحية الثانية.

وتابع كنت واقف مستني توك توك بعدى علشان اطلب منه يوصلني كفر الشيخ سليم وكنت عامل حسابي أول ما نوصل لطريق مقطوع انا عارفة هقوله دخلني جوة بحجة ان انا مطلع اركب من على السال علشان انا مسافر وبالصدفة انا لاقيت مصطفى دة معدى فى وقفته وقلت له تعالى وديني دخلة قبل قرية كفر الشيخ سليم علشان أركب وأسافر ومتفقناش على اى فلوس وبالفعل ركبت معاه وتحركنا على 10:45 مساء يوم الأربعاء.

الحلاق المتهم بقتل شباب بالمنوفية لسرقة التوكتوك يعترف 


وأضاف القاتل أمام جهات التحقيق تحركنا على الطريق وأول ما جت الدخلة إلى انا كنت عارفها قبل كدة وانا عارف الدخلة دى انها مقطوعة ومفيش فيها حد خالص بيبقى موجود غير اخر الطريق شوية بيوت لكن فأولة مفيش اى بيوت وبالفعل أول مادخلت الطريق قلتلة اقف هنا وساعتها هو كان وقف ساعتها وانا رفعت السكينة على رقبتة وقلتلة سيب التوك توك وساعتها هو قالى انا مش هسيب التوك توك قمت خابطة في كتفة وساعتها هو نزل من التوك توك وجرى مسافة خمسة متر في اتجاه البيوت وبعد ماجرى وقع على شط البحر وانا ساعتها روحت خت التليفون من جيبة وزقيتة فى الترعة".

 

 

المتهم بقتل شاب بالمنوفية باع التوكتوك بـ5 آلاف جنيه

 

واستكمل: هو ساعتها مكنشبتكلم خالص وبعد ما خذت التليفون رجعت خدت التوك توك ورجعت ماشى على نفس الطريق وبعدها كملت على الطريق وعديت نفق صغير تحت الطريق الدولي ورميت السكينة الى كانت معايا في الملاحة ومنة روحت على صناديد ووقفت التوك توك في جراج بتاع واحد اسمة ميخا وانا ساعتها قلتلة بكرة هحاسبك والكلام ده كان الساعة 11:20 م، وروحت على البلد بتاعت صناديد علشان اشوف شقة ايجار انقل فيها مراتى وابنى وبالفعل اتفقت مع الراجل على بكرة هجبلة 500 جنيه، وانقل في الشقة.

 

وأوضح: بعد كدة قابلت واحد معرفة اسمه أحمد عثمان وقلت له تشتري توك توك معايا وقالي التوك توك دة منين قلت له انا جايبة من تلا عن طريق شمال وبعد كدة قالي انا هشترية منك واتفقنا على خمس الاف جنية وساعتها انا روحت جبت التوك توك من الجراج وبعد ما جبته إداني 3000 جنيه، وقالي بكرة هديك الألفين وبعد كدة إدتهوله له وروحت على مراتي وابني في الأرض الزراعية لحد الصبح علشان اخد مراتي وابني واروح الشقة الى انا اجرتها وثاني يوم قمت عادى نزلت الشارع في قلب البلد وسيبتهم مكانهم علشان أروح أدفع له الفلوس وقعدت الف لحد اما الراجل شغلة ولاقيته بيقولى طيب سيبنى شوية وتعالالي فأنا سبته لحد الساعة 11 ونص بليل يوم الخميس وقلت اروح أشوفه.

 

القبض على قاتل شاب بالمنوفية لسرقة التوكتوك الخاص به

 

واستطرد: أنا قابلت أحمد عثمان إللى خد مني التوكتوك لقيته بيقولي تعالى تشرب شاي على القهوة علشان الحكومة مالية الدنيا وبالفعل أول ما روحت القهوة لاقيت الحكومة مستنياني وبعد كدة سالوني على اللي حصل حكيتلهم كل حاجة وبعد كدة جبتلهم الموبايل، والتوكتوك كان مع أحمد وهو اللى اداه للحكومة وهو دة كل الى حصل وانا كل الى كنت اقصدة أني أسرق التوكتوك من الواد بس، لما هو عارض اضطريت أخبطة وبعدها لما وقع رميته في الترعة.

 

 

وتنظر اليوم محكمة جنايات شبين الكوم بمحافظة المنوفية ثاني جلسات محاكمة الحلاق المتهم بقتل الشاب مصطفى شوشة، وذلك بعد أن أجلت المحكمة الجلسة الأولى لعدم حضور محامي المتهم.

تابع مواقعنا