بيومي فؤاد في أبرز تصريحاته مع صاحبة السعادة: عمري ما اشتغلت عشان الفلوس.. وزوجتي بينها وبين ربنا عمار
حل الفنان بيومي فؤاد، ضيف على الفنان إسعاد يونس في برنامج صاحبة السعادة، وتحدث خلال لقائه عن رحلته الفنية الطويلة والشاقة التي استمرت لسنوات طويلة حتى أصبح من أشهر الفنانين.
نستعرض لكم في هذا التقرير أبرز تصريحات بيومي فؤاد في برنامج صاحبة السعادة
-أول أجر خدته كان 750 جنيه وبدعي ربنا في صلاتي يارب ابعد عني قعدة البيت.
-من قبل الشهرة والناس تعرفني كنت بشتغل مسرحيات وأعمال فنية وكنت راضي.
-مراتي قالت لي في 2008 أن سنة الشهرة بالنسبة لك في 2013، وهي مبتقرأش فنجان ولا حاجة، لكن بينها وبين ربنا عمار.
- في 2013، عملت 3 أدور مختلفين والناس بدأت تعرف بيومي فؤاد.
-الرجالة لما تطلع على المعاش حالهم بيتقلب ويصابوا بالاكتئاب خصوصًا اللي كانوا المتميزين في مكانهم وليهم بصمة.
-سمعت أن نور الشريف وأحمد بدير عملوا كاستينج على فيلم المصير مع يوسف شاهين، وأنا لغاية دلوقتي بروح أعمل كاستينج في الإعلانات.
- كنت مستصغر نفسي على الجواز.. وربنا غير الكلام فوق لساني
بيومي فؤاد: عمري ما اشتغلت عشان الفلوس
-أقسم بالله عمري ما اشتغلت عشان الفلوس وولادي قاطعوني أسبوع بسبب عمل فني.
-ربنا رزقني في 2013 إني أضحك الناس بعد الفطار في مسلسل الكبير أوي، وأعمل دور الداعية في موجة حارة دي نعمة من ربنا.
-بدأت أخس لما لقيت عندي قناة في ضهر بتقفل الدم بتجيب ليّ تنميل ومشكلة في الأعصاب.
-قررت السفر لألمانيا علشان أشوف موضوع رجليّ ولكن معرفتش بسبب كثرة الأعمال.. ودلوقتي بعمل رجيم ودايت مع دكتور.
-الدكتور قالي عايزك تنزل 3 كيلوا في اليوم.. وما ينفعش أنزل نزول مفاجئ عشان الكلى والقلب.
-كنت أشتكي للزعيم عادل إمام، إني بشتغل كتير وإني مش حابب ده.. قال لي خلي لأ بقوة آه، ولما ترفض عمل خليه بنفس قوة نعم.
أعمال بيومي فؤاد
يُشار إلى أن عادل إمام يعيش حالة من النشاط الفني، بعد عُرض أحدث أعماله السينمائية في دور العرض، منها فيلم الإسكندرانية، الذي حقق من خلاله نجاحًا كبيرًا منذ عرضه حتى الآن، وهو من بطولة أحمد العوضي.
تدور أحداث فيلم الإسكندراني، في قلب محافظة الإسكندرية، حيث يمر بكر الإسكندراني، بالعديد من الصراعات مع والده وابن عمه وحبيبته؛ فيقرر السفر إلى الخارج بحثًا عن حياة جديدة، وحينما يعود بعد تحقيق ذاته تعود الصراعات فتطارده مجددًا.
فيلم الإسكندراني بطولة أحمد العوضي، زينة، حسين فهمي، بيومي فؤاد، صلاح عبد الله، محمود حافظ، والعمل من تأليف أسامة أنور عكاشة، وإخراج خالد يوسف.
