السيسي عن مشروع رأس الحكمة: الدنيا كلها بتقف جنب بعضها.. وإحنا أشقائنا في الخليج دايما جنبنا
حرص الرئيس عبد الفتاح السيسي، رئيس الجمهورية، على التعليق على مشروع رأس الحكمة، بقوله: كان إعلانه واضح وشفاف، وإحنا واضحين وشفافين معاكم في طرح الموضوع، مبنخبيش حاجة ولا نخدعكم ونقول كلام مش دقيق، وأعلنا الإجراءات والمساحة والخطوات اللي هتتعمل.
وأضاف الرئيس السيسي خلال كلمته في احتفالية قادرون: ربنا ساعدنا وأشقائنا في الإمارات بإذن الله يحققوا المدينة العالمية، وتكون حاجة فيها حياة مستمرة على مدار السنة كلها، ويكون بها أنشطة موجودة لأول مرة في مصر.
وتابع الرئيس: الفلوس رأس الحكمة وصلت امبارح، وجزء منها دخل البنك المركزي، وجزء مثله سيدخل الجمعة المقبلة، وده من فضل ربنا، وهنا لازم أوجه الشكر لأشقائنا في الإمارات وعلى رأسهم فخامة رئيس الدولة الشيخ محمد بن زايد، مش سهل إن حد يحط 35 مليار دولار في شهرين في العالم.
واستكمل: ده شكل من أشكال المساندة والوقوف والدعم، والقرار اتاخد في ثانية من غير إحراج ولا حاجة، الدنيا كلها بتقف جنب بعضها، وإحنا أشقائنا في الخليج، دايمًا جنب مننا، لكن أنا بسجل موقف خاص بالإمارات في الموضوع ده، لأن الظرف الاقتصادي خلال السنوات الأربعة صعب في مصر بسبب الأزمات المتلاحقة.
احتفالية قادرون باختلاف
ويشهد الرئيس عبد الفتاح السيسي رئيس الجمهورية، احتفالية "قادرون باختلاف، لأصحاب الهمم والقدرات الخاصة في نسختها الخامسة، والتي تعقد في مركز المنارة للمؤتمرات الدولية بالتجمع الخامس بالقاهرة، بحضور عدد من الوزراء والمسئولين والفنانين ونجوم المجتمع.
وتأتي النسخة الخامسة من احتفالية "قادرون باختلاف، لأصحاب الهمم والقدرات الخاصة بحضور الدكتور مصطفى مدبولي رئيس مجلس الوزراء، الدكتورة نيفين القباج، وزيرة التضامن الاجتماعي، وعدد من الوزراء وأعضاء مجلس النواب ولفيف من الشخصيات العامة.
