أسوأ جيم في مصر.. شاب يتهم صالة ألعاب رياضية بسرقة الاشتراكات: قالولنا فيه تصليحات وخدوا فلوسنا
نشر شاب مصري يدعى شهاب، مقطع فيديو على منصات التواصل الاجتماعي الخاصة به، يزعم فيه أن إحدى صالات الألعاب الرياضية أو ما يطلق عليه جيم، يدعىworld gym، الموجود بمنطقة المهندسين، نسق عملية احتيال لسرقة أموال المشتركين، وأغلق أبوابه فيما بعد بحجة إنهاء بعض أعمال الصيانة وتجديد المكان.
شاب يتهم جيم رياضي بسرقة الاشتراكات
وظهر شهاب في الفيديو من أمام مقر إدارة الجيم الرياضي world gym، المتهمة بالاحتيال على المشتركين، وبدأ في توجيه رسالة لمتابعيه كي يتجنبوا ذاك المكان، قائلا: بصوا يا جماعة أنا قدام الجيم أهو بقالهم 4 شهور قافلين، وبيقولوا إنهم بيجددوا، وكمان حاليا شايلين اليافطة على أساس مش هنعرفهم.
تفاصيل قصة احتيال إدارة الجيم على المشتركين
واكتشف أعضاء الجيم الرياضي فيما بعد أن أحد شركاء العمل بالمكان سرق الأجهزة، وحينما ذهبوا ليتفحصوا المكان وجدوه فارغا، وعلق شهاب على ذلك مشيرا إلى أن إدارة الجيم ترفض إعادة مبالغ الاشتراكات، موضحًا: بنكلم أي حد يرجعلنا فلوس الاشتراكات ومحدش بيرد علينا، ومش عايزين يرجعوا لحد فلوسه.
ثم اختتم حديثه وهو ينصح متابعيه، قائلا: نصيحة محدش يروح world gym، عشان ده أسوأ جيم في مصر.
انتقادات رواد السوشيال لمقطع الفيديو
وانتقد رواد وسائل التواصل الاجتماعي تصرف الشاب صاحب الفيديو، زاعمين أنه مؤذٍ لصاحب المكان الذي تمت سرقته من قبل شريكه، فعلق أحدهم قائلا: صاحب الجيم اتسرق وجيت إنت عملت فيديو تشجع الناس إنهم ميروحوش الجيم عشان تكمل عليه؟ يعني سرقة وتشجيع على مقاطعته فيخسر أكتر؟ الناس بقت وحشة أوي، حرام عليك!.
بينما انتقده آخر: جيم اتسرق منه أجهزة بملايين، وناس خسرت دخلها ورزقها مبقاش موجود، وإنت زعلان على شوية الفلوس اللي دفعتها؟!.
وعلق آخر قائلا: إنت زعلان على الاشتراك ومش مقدر إن الناس بيتها اتخرب؟ جي إنت كمان تزود الخراب؟!.
وعلق آخر مدافعا عن الشاب: الناس اللي بتهاجم صاحب الفيديو مشكلته في المصداقية؟، إدارة المكان مكنتش صريحة معاه من الأول، فطبيعي يوصله انطباع إنه اتنصب عليه، ده غير إنهم ممكن دافعين اشتراك سنوي.
