فين الـ 2 مليون جنيه؟.. ليلى الشبح تتشاجر مع هند عاكف في عزاء حلمي بكر
نشبت مشاجرة بين المنتجة ليلى الشبح، والفنانة هند عاكف، في عزاء الموسيقار حلمي بكر، المقام حاليًا في مسجد الحامدية الشاذلية بالمهندسين.
وقالت ليلى الشبح لـ هند عاكف، خلال المشاجرة: فين الـ 2 مليون جنيه يا هند يا عاكف، أنتي جاية تمشي في قتيل؟ أنتم عالم نصابين، هند عاكف جاية ليه؟
ليلى الشبح تتهم أرملة حلمي بكر بتعذيبه
وسبق واتهمت المنتجة ليلى الشبح، سماح القرشي أرملة الموسيقار حلمي بكر، بتعذيبه، إذ قالت في لقائها مع القاهرة 24، عقب دفن الموسيقار: مراته كانت بتعذبه، وكان عنده برنامج في المدينة وسيد عمر المصور راح جابه وحجزته معاه وقفلت عليهما.. وعذبت حلمي وشتمت سيد عمر المصور بتاع المدينة.
وأضافت ليلى الشبح: مراته أساءت له وشتمته قدام سيد عمر، والمصور قالها طيب إنتي قصتك مع جوزك طلعيني من الشقة، راحت شتمته.. أنا مبتواصلش معاها خالص، وأنا زعلت وقولت لحلمي بكر بلاش ترجع لها؛ لأنها عذبته قبل كده، وجابتله بلطجية، وكانت بتولع السجاير وتحرقها في جسمه، ومكنش بيحبها وكان عايش معاها علشان بنته.
وتابعت: جابت بلطجية علشان تاخد الجثمان وتدفنه الساعة 10، واللي حصله ده مينفعش.. ده قيمة وقامة لينا كلنا ومينفعش مراته تعمل كده.
