ابني بيخاف من شكلي.. أبرز تصريحات طارق لطفي بشأن مسلسل العتاولة
فن
طراق لطفي
يعكف الفنان طارق لطفي على الانتهاء من تصوير مسلسل العتاولة مع الفنان أحمد السقا، تمهيدًا لعرضه في السباق الرمضاني المقبل 2024، وأعرب الفنان عن سعادته الكبيرة عن مشاركته مع السقا في هذا العمل، مؤكدًا أن الأخير بمثابة أخ له، ونستعرض لكم أبرز تصريحاته التلفزيونية بشأن مشاركته في مسلسل العتاولة.
أبرز تصريحات طارق لطفي
- أحمد السقا أخويا بجد وهو من أرجل وأطيب الناس اللي ممكن نقابلهم في حياتنا.
- لما اتعرض عليا الدور ولاقيت أحمد السقا البطل قولت هتبقى فيه كواليس عظيمة.
- أحمد السقا أخ وصديق وبنصبّر بعض في الكواليس اللي كلها شقى وتعب.
- بنصور بالساعات، أبرز حاجة في فرح قعدنا نصور فيه 3 أيام من الصبح لـ بليل، والفرح كله وقته قليل.
- شكلي في المسلسل توصلتله مع المخرج أحمد خالد موسى بعد ما قعدنا مع بعض.
- مش مصدق نفسي من شكلي في العتاولة وابني الصغير ياسين لحد دلوقتي بيخاف يكلمني فيس تايم لآنه خايف مني، وبيقولي شكلك وحش أوي يا بابا.
- أول مرة أعمل دور شعبي، والحقيقة تحدي بالنسبالي.
- الناس الشعبيين ليهم خصائص، غير الخصائص الطبيعية اللي هي الجدعنة، الناس بتتكلم بأيدهم وعندهم لغة جسد وألفاظ كمان.
- الناس الشعبيين بيستعملوا مصطلحات مختلفة، فالدور كله مختلف عن الأدوار اللي أنا عملتها، فكان الموضوع تحدي.
- عجبني دوري أوي في مسلسل العتاولة ولما أحمد خالد بعتلي ورقتين عجبني أوي خصوصا أن السقا موجود فيه.
- بعمل في المسلسل صاحب مقرب بمثابة صديق لأحمد السقا ضمن أحداث العتاولة، يعني احنا إخوة جدا ومكملين لبعض.
- أنا والسقا في المسلسل كل واحد له وظيفة معينة داخل الحدوتة، ولو انفصلا عن بعض هيحصل خلل.
- هنشوف الصراع أنه ميبقاش فيه انفصال بيني أنا والسقا داخل العمل مش صراع أن حد يبقى أكبر من التاني.
أبطال العتاولة
يشارك في مسلسل العتاولة بجانب أحمد السقا، وطارق لطفي، كل من: باسم سمرة، صلاح عبد الله، زينة، مي كساب، أحمد كشك، هدى الاتربي، ميمي جمال، زينب العبد، منة تيسيرـ مصطفى أبو سريع، مريم الجندي، مؤمن نور، محمد التاجي، والعمل من تأليف هشام هلال، ومن إخراج خالد موسى، ويتكون من 30 حلقة، ويعرض طوال شهر رمضان على شاشة قناة MBC مصر، ومنصة شاهد.
