محمد الكيلاني في احتفالية يوم الشهيد: العلم اللي اترفع بإيد شهيد مبينزلش أبدًا
شارك الفنان محمد الكيلاني، في الندوة التثقيفية الـ 39 للقوات المسلحة، احتفالًا بيوم الشهيد، بحضور الرئيس عبد الفتاح السيسي.
وقال محمد الكيلاني، خلال كلمته باحتفالية يوم الشهيد: في يوم ابني رجع من المدرسة وكان مطلوب منه يحفظ نشيد عن الشهيد، وبصراحة لاقيتها فرصة كويسة جدًا علشان أعرفه يعني إيه شهيد، يعني إيه عزة وكرامة يعني إيه واحد ممكن يضحي بحياته علشان ميضحيش بشبر من وطنه، يعني إيه عنده واحد عنده استعداد يموت علشان أهله يعيشوا في أمان ورأس بلده دايمًا تفضل مرفوعة، وبصراحة لاقيت الكلام ممكن يبقى كبير على سنه شوية، فقررت أديله فرصته وسألته ممكن تشرح لي يعني إيه شهيد؟.
وتابع محمد الكيلاني: قالي الشهيد يعني شجاع وبطل خارق، شهيد يعني عايش عند ربنا، شهيد يعني بيحب مصر يعني رفع العلم، الحقيقة الكلمة دي استوقفتني كتير وقعدت أفكر إزاي الشهداء دول بأرواحهم بيلهمونا وينوروا طريقنا، إزاي كل واحد فينا بينزل يبني بلده ويشتغل أو حتى يتعلم في كل شبر في أرض مصر تحت علم بيرفرف رفعه إيد شهيد.
واختتم الكيلاني: العلم اللي بترفعه إيد الشهيد مبينزلش أبدًا، تحية من القلب لكل أرواح شهدائنا اللي فارقونا ولكن يبقى الأثر.
كما قدم محمد الكيلاني أغنية على هامش الاحتفالية يوم الشهيد، حيث جاءت كلمات الأغنية: أنا بحلم بفن أصيل يربي جيل أصيل.. أنا بحلم وبتمنى أخلى الأرض دي الجنة.
