دينا الشربيني عن كامل العدد +1: هيكون فيه مفآجأت بالعمل.. وحاسين إننا عيلة بجد
علقت الفنانة دينا الشربيني على دورها في الجزء الثاني من مسلسل كامل العدد +1، قائلة: الجزء ده فيه أحداث جديدة وقضايا مختلفة.
وقالت دينا الشربيني خلال مداخلتها مع لميس الحديدي في برنامج كلمة أخيرة على قناة أون: الجزء ده فيه أحداث جديدة وقضايا مختلفة، بعد ما الأولاد كبروا سنة، بالاضافة لانضمام مجموعة جديدة من النجوم.
وأضافت دينا: خايفة شوية وأتمنى العمل يعجب الجمهور، وكنا بنتبسط أوي في التصوير والفنانة القديرة إسعاد يونس إضافة كبيرة للمسلسل من الموسم الأول والقديرة ميمي جمال ودايما ببقى خايفة من آخر يوم تصوير علشان مش هشوف الكرو كله.
واستكملت دينا حديثها: في نجوم منضمين في الموسم الجديد وهيكونوا مفاجأة، وعن غياب الراحل الفنان مصطفى درويش قالت: افتقدناه وأتمنى يكون في مكان أحسن وده أحد الأسباب اللي كنا بنفكر فيها لو عملنا موسم تاني هنعمل إيه؟ لأننا حاسين بالفعل إننا عيلة بجد والكتاب وجدوا طريقة لتعويض غياب الراحل وأنه يكون موجود في ذات الوقت.
مسلسل كامل العدد +1
يضم مسلسل كامل العدد +1 عددا كبيرا من النجوم، ومن أبرزهم: دينا الشربيني، شريف سلامة، ميمي جمال، إسعاد يونس، صدقي صخر، جيهان الشماشرجي، وعدد آخر من الفنانين، والعمل من تأليف رنا أبو الريس ويسر طاهر وإخراج خالد الحلفاوي.
