الراهب تكلا الصموئيلي يرى المسيح قبل استشهاده: شوفت آثار المسامير في يده.. كان جاي يساعدني

تداول فيديو بين رواد مواقع التواصل الاجتماعي للراهب القمص تكلا الصموئيلي وكيل إيبارشية جنوب إفريقيا، أحد شهداء دير القديس مارمرقس الرسول والقديس الأنبا صموئيل في بچوهانسبرج جنوب إفريقيا، وهو يعبر عن فرحته ويسرد تفاصيل رؤيته للمسيح في ليلة قبل النوم. 

القمص تكلا: أنا شوفت السيد المسيح

وعبر الراهب القمص تكلا الصموئيلي عن فرحته في أحد اللقاءات التلفزيونية برؤيته للسيد المسيح قبل النوم في إحدى الليالي قبل نومه، ويروي  التفاصيل قائلًا: بعد صلاة التسابيح اللي سبحت ربنا فيها وأنا مبسوط وفرحان.. دخلت القلاية عشان أنام وفي عز نومي الساعة 1 بليل خبط علي الباب وقلت له اتفضل تعالى، فتحت وفجأة لقيت السيد المسيح قدامي ويقولي أنا جيت أساعدك، وشوفت آثار المسامير في يده، ولقيت القلاية كلها مليانة بخور ودموعي نزلت من الفرحه. 

بهذه الكلمات عبر الراهب القمص تكلا الصموئيلي عن فرحته بهذه الرؤية حينما كان ينغمس في نومه واستيقظ على صوت قرع الباب، ليجد السيد المسيح أمامه ويقول له أنا جاي أساعدك، مما زاد من بكاء الراهب وفرحته الزائدة. 

القمص تكلا: دخل علينا حرامية لكن ربنا قال أوعوا تخافوا 

وحسب ما قاله القمص تكلا في هذا اللقاء إنه كان خائف في البداية عندما قُرع عليه الباب: لما الباب خبط أنا قلقت وافتكرته حرامي نظرًا لما تعرض له من قبل بدخول 6 حرامية مُسلحين عليهم أثناء وجودهم في الدير بحادث سابق.

وقال: حصلت قبل كدة ودخل علينا الدير 6 مُسلحين ومعهم خناجر في نص الليل، وكسروا الشبابيك ودخلوا، وقابلوا راهب قالوله عايزين فلوس، قال لهم ده مكان عبادة أنتم جايين مكان خطأ، وأخذهم أبونا وراح معاهم فتحوا صندوق العشور وملقوش فيه غير شوية فكة، وأبونا قالهم بلاش تسرقوا لو عايزين فلوس تعالوا للكنيسة قولوا وأبونا هيديكم هو بيحبكوا كلكم، ولكن مكناش خايفين عشان ربنا علمنا منخافش.