ميدو يكشف واقعة مثيرة بشأن راتب حازم إمام في عهد مرتضى منصور
كشف أحمد حسام ميدو نجم الزمالك السابق ومنتخب مصر واقعة خاصة بالمرتبات بينه وبين حازم إمام قائد الزمالك السابق وعضو مجلس إدارة اتحاد الكرة الحالي في فترة تولي مرتضى منصور رئاسة نادي الزمالك.
تصريحات ميدو
وقال أحمد حسام ميدو في تصريحات تليفزيونية: "مرتضى منصور كتب حازم مدير الكرة ومرتبه 100 ألف جنيه، وكتب ميدو مدير فني ومرتبه 140 ألف جنيه، أخدت منه الورق والقلم وعكست الكلام وقلتله ميصحش حازم يبقى أقل مني وهو أقدم مني، وحازم ميعرفش القصة دي بالمناسبة لأني لأول مرة أقولها".
وأردف ميدو تصريحاته قائلا: "حازم إمام غلتطه إنه حمّل نفسه فوق طاقته وتصدر المشهد وطلع على المسرح، بس هل هو سبب خراب الكرة في مصر، غلط إنه اتفاوض وهو مش شغلته، المفروض في ناس شغلتها الحسابات والتفاوض، خد قرارات فنية كتير خاطئة، لأن مصر كانت ممكن تكسب البطولة دي.
وعلق ميدو على تولي حسام حسن تدريب منتخب مصر قائلا: متفائل بـ تولي حسام حسن تدريب المنتخب.
وواصل: ممكن أمسك نادي الزمالك في وقت من الأوقات، وعشان أمسك الزمالك لازم أبقى جاهز للمواجهات هدافع حتى لو هتسجن، فيه ناس كتير أكيد مش عايزاني وهتحاربني، أنا أصغر لاعب درب الزمالك وأصغر لاعب مثل مصر وإن شاء الله هبقى أصغر رئيس للزمالك.
وأتم ميدو تصريحاته قائلا: عمري ما أنزل انتخابات قدام حازم لكن ممكن أبقى نائب له، وحازم مينزلش قدامي لأنه عارف إني هكسبه".
