صغيرة: إحنا ليه مش بنشوف ربنا؟.. وعلي جمعة يجيب
أجاب الدكتور علي جمعة مفتي الجمهورية السابق وعضو هيئة كبار العلماء بالأزهر الشريف، على سؤال طفلة نصه: إحنا ليه مش بنشوف ربنا؟
لماذا لا نرى الله؟.. علي جمعة يجيب
وقال علي جمعة خلال برنامجه نور الدين: ربنا ليس كمثله شيء، خارج الدائرة.. هل نرى أمواج الرادار أو أمواج تيار الكهرباء، أو أمواج الأشعة؟، فيه حاجات ما بنشوفهاش.
وأضاف علي جمعة: هو الإنسان إزاي بيشوف أصلًا.. لأن عنده عين بيشوف بيها، والمقلة والشبكية، والضوء ينعكس على الحاجة لنراها، طب فين الضوء اللي هينعكس على ربنا؟
وأكمل: لا يوجد ضوء لينعكس على ربنا لأنه خارج الدائرة الكونية.
وأردف الدكتور علي جمعة: ربنا عشان خارج الدائرة الكونية لا يمكن حد يشوفه، إلا لو دخل الدائرة، ولو دخل الدائرة هيبقى مخلوق، لأن كل اللي في الدائرة مخلوقين، وربنا ليس مخلوق ولا يمكن أن يكون مخلوق.
واختتم مفتي الجمهورية السابق وعضو هيئة كبار العلماء بالأزهر الشريف حديثه قائلا: ربنا سبحانه خارج الدائرة ولذلك لا نراه، يوم القيامة هنروح الجنة ونبقى على طرف الدائرة، “وجوه يوم إذ ناضرة لربها ناظرة”، ساعتها سنرى الله، لذلك يجب أن نعمل العمل الصالح لحد ما ندخل الجنة ونراه.
