مصطفى كامل عن طارق الشناوي: مينفعش أمسك قلم وأقعد أشتم.. وكل ما ألاقيك بتهاجم زميل هدافع عنه
وجه الفنان مصطفى كامل رسالة إلى الناقد الفني طارق الشناوي، بعد انتقاده مؤخرا الفنان مصطفى قمر وصناع فيلم أولاد حريم كريم، الذي عرض في دور العرض السينمائي خلال الفترة الماضية.
وقال مصطفى كامل في تصريحات تليفزيونية: دافعت عن صاحبي وأخويا مصطفى قمر، لأن الفيلم تعب فيه فريق العمل والناس أكلت عيش وده رزقهم، مينفعش أمسك قلم وأقعد أشتم، مش بحب الطريقة دي.
كما وجه مصطفى كامل رسالة إلى طارق الشناوي قائلا: مش بحب الطريقة اللي بينتقد بها طارق الشناوي الناس، دايما بيقول ده فاشل والآخر ساقط، يا طارق يا شناوي كل ما ألاقيك بتهاجم زميل لي سأدعمه لأني نقيب مصر هدافع عن زملائي، لأن ده مش نقد.
أزمة مصطفى قمر وطارق الشناوي
وسبق أن انتقد طارق الشناوي فيلم أولاد حريم كريم ومصطفى قمر وقال إن العمل لا يمت للسينما وأنه أسوأ الأفلام والأعمال الفنية، ووصف قمر بالمطرب الذي فقد بريقه وهو الأمر الذي رد عليه قمر وهاجمه بشدة.
من ناحيته، وجه الفنان مصطفى قمر رسالة للناقد طارق الشناوي قائلًا: هو أنا مش طلبت منك تبعد عني أصلًا وما تتكلمش عني علشان ماتتهزأش طيب أنت اللي جيبته لنفسك عموما ياللي اسمك طارق أنت كاتب كلام أهبل يدل للمرة المليون أنك ماشفتش الفيلم، وعموما اللي هيرد عليك جمهور السينما الحقيقي اللي دخل الفيلم اللي مالوش دعوة بالنفاق أو مصلحة أي فيلم تاني، فكرني كده شغلتك ايه، هي من أربع حروف بيتهيألي.
