أشرف زكي ردًا على نجوى فؤاد: عمر النقابة ما تخلت عنها
رد الدكتور أشرف زكي، نقيب المهن التمثيلية، على تصريحات الفنانة نجوى فؤاد، والتي أعربت عن استيائها من تجاهل النقابة لها في أزمتها الصحية الأخيرة.
وقال أشرف زكي، في تصريح خاص لـ القاهرة 24: النقابة عمرها ما تخلت عن الفنانة نجوى فؤاد وأنا على تواصل معاها وتحت أمرها، ولها كل الاحترام والتقدير.
نجوى فؤاد: بقالي 6 أشهر بتعذب ومحدش بيسأل عليا ومليش معاش
وكانت الفنانة نجوى فؤاد، كشفت تفاصيل حالتها الصحية بعد معاناتها من آلام في الفقرات، وأوضحت في لقائها مع الإعلامية سهير جودة، أنه لم يتواصل أحد معها من نقابة المهن التمثيلية، أو زملائها بالوسط الفني، قائلة: مفيش حد من الفنانيين ولا النقيب سأل فيا، بقالي 6 أشهر بتعذب ومليش معاش علشان إحنا موظفين بالقطعة، مفيش أي حاجة للفنان خالص، الواحد ضيع عمره ببلاش.
وأعربت نجوى فؤاد عن استيائها بسبب قلة قيمة معاش نقابة المهن التمثيلية، قائلة: دكتور أشرف زكي قالي المعاش أعتقد 600 جنيه، قولتلهم ده أنا بديهم للبواب، الرحمة من عند ربنا ولازم يدوا الفنانيين أكتر من اللي بياخدوه دلوقتي كتير، لأن إحنا خدنا ملاليم وهما بياخدوا ملايين.
وتابعت نجوى فؤاد: النقابة لازم تساعد الناس الغلابة اللي مش قادرة تجيب مضاد حيوي علشان تتعالج، لازم يبقى لينا حل.
