أسما شريف منير تكشف سبب رغبتها في ارتداء الحجاب|فيديو
كشفت أسما شريف منير سبب رغبتها في ارتداء الحجاب، بعد الفيديو الأخير الذي نشرته وكشفت من خلاله تمنيها ارتداء الحجاب ودعائها بذلك.
وقالت أسما شريف منير في لقائها مع القاهرة 24: معرفش يمكن الفترة دي بحاول أقرب أكتر من ربنا وأوطد علاقتي بيه أكتر، فحاسه إني نفسي أعمل كده، لكن في نفس الوقت حاسة إني عاوزة أكون جاهزة للقرار ده، وأعمله ومرجعش فيه، ومحدش بيضمن ده أوي، لكن بحاول على قد ما أقدر شوية شوية، وبحاول أظبط لبسي، وآخر حاجة أعملها أحط طرحة على شعري.
وعن تعليقات جمهورها، أضافت: ناس لذيذة 99.9%، بيقولوا شكلك حلو وزي القمر وبيدعوا لي، ما عدا اتنين تلاتة بيشتموني، لكن أغلب الناس بيقولوا لي كلام كويس ومشجع.
أسما شريف منير تكشف طقوسها في رمضان
في سياق آخر، تحدثت أسما شريف منير عن طقوسها في شهر رمضان الكريم، وقالت في لقائها مع القاهرة 24: أقضي رمضان أغلب الوقت في شغلي ولوحدي ومش بعمل تجمعات السنة دي، وبحاول أكون في حالة سكون وأقرب أكتر من ربنا ويكون عندي وقت للتراويح والصلاة وبحاول أعمل دايت، وأي حد في الدنيا بيحاول يلتزم ما ينفعش يكون طول الوقت بيخرج، لأن الحاجات دي بتعمل ضغط وبتخليكي ما تعرفيش تلتزمي.
