شوبير: حسام حسن بيزعل من النقد.. وإبراهيم سعيد موهبة فذة راحت في سكة تانية
تحدث أحمد شوبير، نجم الكرة المصرية، عن سبب توتر العلاقة بينه وبين حسام حسن وشقيقه إبراهيم خلال الفترة الماضية.
شوبير: حسام حسن أحسن اختيار في الوقت الحالي
وقال أحمد شوبير في تصريحات تليفزيونية: لدي أسلوب في العمل، ويعتمد على الخبر والنقد الفني، ولا يمكن لأحد إنه يغير ده، ولو حلو هقول حلو، ولو وحش هقول حاجة وحشة.
وأضاف أحمد شوبير: هناك أمور مفيهاش حياد، وبالتأكيد حسام حسن وإبراهيم حسن، زمالة عمر أحبها وأحترمها، لكن شغلي كنقد هو إظهار الجيد والسيئ خاصة للتدريب، وده بيضايقهم شوية وبيحسوا إن الناس جاية عليهم، وحسام طول عمره كده.
وواصل أحمد شوبير: حسام حسن بيزعل من النقد مبيحبش يخسر مبيحبش حد يتكلم عنه إلا حلو وبيشوف إن الناس جاية عليه، وحسام حسن أحسن اختيار في الوقت الحالي لتدريب منتخب مصر، وهو أمر مفيهوش أي حياد.
وفي سياق آخر، انتقد إبراهيم سعيد، الإعلامي أحمد شوبير، قائلًا: أحمد شوبير صعبان عليا، وربنا يهديه لنفسه.
ورد أحمد شوبير: إبراهيم سعيد كان موهبة فذة وكان رايح في سكة تانية، وحاولت بقدر الإمكان أنا وآخرون نرجعه عن الطريق ومقدرناش، وفي الوقت ده السكينة كانت سارقاه، لكن آخر سنتين إبراهيم هدي وأخدته دخلته الأهلي.
ويُعد أحمد شوبير أحد حراس مرمى منتخب مصر والنادي الأهلي التاريخيين، وحارس الفراعنة في كأس العالم 1990.
