مصطفى غريب: توفيق ربنا السبب في نجاح أشغال شقة.. والإفيهات منها المكتوب والمرتجل
تحدث الفنان مصطفى غريب، عن النجاح الكبير الذي حققه مسلسل أشغال شقة منذ بداية عرضه، بطولة الفنان هشام ماجد والفنانة أسماء جلال، كما أشار إلى أن توفيق الله هو السر في هذا الصدى الواسع للعمل.
وقال مصطفى غريب خلال تصريحاته لـ القاهرة 24: إحنا كده كده بنشتغل الشغلانة دي عشان الناس تتبسط وده اللي يهمنا، والحمد لله ردود الفعل فاقت كل التوقعات للمسلسل كله، لما ربنا بيحط التوفيق في أي عمل بتبقى دي النتيجة، توفيق ربنا هو رقم واحد وكل الناس تعبت أوي في المسلسل.
وتابع مصطفى غريب: المواقف الكوميدية اللي الناس حبيتها في المسلسل كلها مكتوبة، وطبعا بيبقى في إضافات من الممثل بس ده بالرجوع للمخرج، اللي مكنش عنده مشكلة يعيد المشهد كتير بس المهم ياخد اللي هو عايزه بالظبط.
واختتم مصطفى غريب حديثه، متحدثا عن التعاون مع هشام ماجد، واصفا إياه بأنه يحب أن يزدهر الجميع بجانبه، وقال: هشام ماجد ده أخ قبل ما يبقى زميل، والسر في الكيميا بينا هو إن إحنا مرتاحين سوا وأنا بحبه وواثق هو بيحبني قد إيه، وبالنسبة له الأهم إن المشهد يطلع حلو مش إن مين يطلع أعلى من التاني.
مسلسل أشغال شقة
يشارك في بطولة مسلسل أشغال شقة كل من الفنان هشام ماجد، أسماء جلال، سلوى محمد علي، شيرين، مصطفى غريب، وغيرهم، والعمل من إخراج خالد دياب.
