معرفش مضى للأهلي ليه قبل كدا.. تعليق ناري من كهربا على أزمة شيكابالا مع جمهور الأحمر
حرص محمود كهربا لاعب النادي الأهلي، على التعليق بشأن أزمات جمهور المارد الأحمر مع شيكابالا، قائد نادي الزمالك.
تصريحات كهربا عن شيكابالا
وعلق لاعب النادي الأهلي محمود كهربا على الأزمة بين شيكابالا وجماهير النادي الأهلي قائلًا: وجهة نظري مبحبش أتكلم عن لاعبين خارج النادي الأهلي، وطالما مش زميل ليا، وكان فيه مشاكل بين شيكابالا والجمهور.
تعليق ناري من كهربا على أزمة شيكابالا مع جمهور الأحمر
وأكمل كهربا تصريحاته قائلا: أنا صاحبت شيكابالا، والجمهور بيعرف يعصب اللاعب، وعارفين الدخلة بتاعته وازاي يضايقوه، وجمهور الأهلي عمره ما يغلط في حد، ودي سابقات بين الجمهور وشيكابالا، ومعرفش مضى للأهلي ليه قبل كده، والأهلي طموح لأي لاعب في مصر وإفريقيا، وحلم لأي حد يلبس تيشيرت الأهلي.
وتابع كهربا: ماتشات الديربي لازم نكسبها، واحنا في الأهلي بنبقى داخلين عشان نكسب الماتش، لكن موضوع إن لاعبي الزمالك بيتربى جواهم كره للأهلي ده معرفوش.
كهربا: في الزمالك كنت النجم مش شيكابالا
وأضاف: احنا في الأهلي عندنا سيستم إننا روح جماعة، مش روح النجم الأوحد، وأنا في الزمالك كنت ساعتها مش شيكابالا، وده ثقة مش غرور، ولعبي وأرقامي بيقولوا كده، إني كنت أحسن، وهو في حتة وأنا في حتة.
انتهاء أزمة كهربا مع الزمالك
وبشكل رسمي، انتهت أزمة محمود كهربا مع ناديه السابق الزمالك والتي استمرت 5 سنوات، عقب رحيل اللاعب عن القلعة البيضاء وتوقيع غرامة كبيرة على اللاعب.
ونشرمحمود كهربا عبر حسابه الرسمي على إنستجرام شكر خاص لـ المحامي أشرف عبد العزيز، قائلا: شكرا يا ملك اللعبة على كل حاجة عملتها معايا ووقفتك جنبي طول الوقت اللي فات ماسبتنيش لحظة، وطول عمرك في ضهري.
