أسامة عباس: بحاول أعوض أولادي غيابي عنهم بسبب الفن.. والأجيال بتاعتنا بتنقرض |خاص
تحدث الفنان أسامة عباس عن سبب غيابه لسنوات، مشيرًا إلى أنه يعرض عليه أعمال لا تعجبه فيفضل الابتعاد.
وقال أسامة عباس لـ القاهرة 24: بيجيلي حاجات مش بتعجبني وما تستاهلش، ولما تيجي لي حاجة تستاهل هعملها مفيش اديني قاعد.
وأضاف أسامة عباس: بشوف مسلسل عتبات البهجة لـ يحيى الفخراني، وعجبني وكلمت يحيى وهنأته بالمسلسل.
أسامة عباس: الأجيال بتاعتنا بتنقرض
وأوضح أسامة عباس عن سبب اختفائه عن الجمهور: ماليش في السوشيال ميديا وبيطلبوني في برامج ولكن برفض، لأن معنديش حاجة أقولها وتاريخي الفني اتكلمت فيه كتير.
وعن طقوسه في رمضان قال: بقعد مع أحفادي وولادي لأن السنين اللي فاتت كنت مشغول وما كنتش مستمتع بالحياة الأسرية، وبحاول أعوضهم عن السنين اللي فاتت، وزوجتي هي اللي كانت متولية كل أمورهم وتشكر على كده، لأني كنت مشغول خالص لأن حتى لو ما كانش عندي شغل بكون عاوز أريح وأنام، والأجيال بتاعتنا بتنقرض وهي دي سنة الحياة.
آخر أعمال أسامة عباس
يُشار إلى أن آخر أعمال أسامة عباس مشاركته في مسلسل المتهمة عام 2022، من إخراج وتأليف تامر نادي، وشارك فيه كل من عادل كرم، درة، علي الطيب، دياب، عاطف عمار، محمود غريب، مها نصار، محمد عبد العظيم، وعدد آخر من الفنانين.
