قالي مش عاجبك امشي.. فاروق فلوكس يكشف سبب خلافه مع عبد الرحمن أبو زهرة
تحدث الفنان فاروق فلوكس، عن فترة غيابه عن الساحة الفنية والتي وصلت لـ 5 سنوات، مؤكدًا أن الجيل الجديد يرفض تشغيل الجيل القديم، بجانب الكشف عن تفاصيل خلافه مع الفنان عبد الرحمن أبو زهرة.
وقال فاروق فلوكس خلال تصريحات تليفزيونية: غيبت 5 سنين عن الفن، ومتعرضش عليا أدوار خالص طول الفترة دي، وكل الجيل القديم مبيشتغلوش، والجيل الجديد مش عايز الجيل القديم، الجيل الجديد رافض تمامًا الجيل القديم تأليفًا وإخراجًا وتمثيل.
فاروق فلوكس: عندي ضعف نظر في القراءة
وتابع: السبب التاني في ابتعادي أن جالي حاجة في عيني خلاني عندي ضعف نظر في القراءة، ومن مشاكلي حاليا أني مبعرفش أقرأ قرآن ومبعرفش أمضي، وسجلت كتاب واتفرغ 500 صفحة فيه كل تاريخي.
وعن تفاصيل خلافه مع الفنان عبد الرحمن أبو زهرة، فأوضح فلوكس: عبد الرحمن أبو زهرة في بيني وبينه خلاف، ولكن هو فنان عن حق مبيشتغلش ليه؟، وعبد الرحمن أبو زهرة كنا بنصور مسلسل في شقة فخمة ولكن الريحة كانت وحشة جدًا وأنا اتكشفت أقول للمخرج نخلص بسرعة علشان التنفس، وعبد الرحمن دخل يقول كلام كتير في المشهد قولتله هي ندوة؟ قالي أه ندوة مش عاجبك أمشي، ودي اللي زعلتني منه أوي.
