شقيق أحد ضحايا واقعة دهس مول العرب: عياله كانوا مستنيينه |خاص
كشفت التحقيقات في القضية رقم 7219 لسنة 2023 جنح قسم أول أكتوبر والمتهمة فيها سهر.خ مسؤولة مبيعات شركة BMB للعقارات لاتهامها بقتل شخصين خطأ، نتيجة قيادتها برعونة وعدم احترازها وعدم مراعاتها للقوانين، أمام مول العرب.
شقيق ضحية واقعة دهس شابين أمام مول العرب
وقال ع. ي، مكوجي، شقيق أحد ضحايا حادث دهس مول العرب، بسؤال جهات التحقيق له عن صلته بالواقعة محل التحقيق: أنا شقيق المتوفي، اللى حصل أنا كنت في البيت وجالي تليفون من مسؤول الشغل بتاع أخويا علشان هو شغال حلاق في شركة حلاقة، وقالولي أخوك عمل حادثة وهو بيعدي الطريق عربية خبطته قدام مول العرب على المحور المركزي، فنزلت بسرعة روحت على مستشفى دار الفؤاد لقيتهم بيقولولي أنه توفي بسبب الحادثة وعياله كانوا مستنيينه وطلعت على القسم علشان اقولهم اللي حصل وقلتلهم وقالولي اجي النهاردة اتسأل في النيابة وده كل اللي حصل وجيت على النيابة النهاردة عشان أقول أقوالي.
وأضاف شقيق أحد ضحايا حادث دهس مول العرب: أنا عرفت بوقوع الحادث لما كلموني الساعة 2 صباحًا وعرفت أن الحادثة حصلت في أكتوبر عند مول العرب بالمحور المركزي لكن أنا مشوفتش الحادثه بعيني.
وأردف شقيق أحد الضحايا بواقعة دهس مول العرب: جالي تليفون من مسؤول الشغل بتاع أخويا علشان هو شغال حلاق في شركة وقالولي أخوك عمل حادثة وهو بيعدي الطريق وعربية خبطته قدام مول العرب علي المحور المركزي ومعرفش الحادث حصلت إزاى بس هو الناس كانوا بيقولوا ان المتهمة اللي كانت سابقة العربية كانت بتجري بسرعة.
وواصل شقيق أحد ضحايا حادث دهس مول العرب كان معاه صديقه وهو توفي هو كمان بسبب الحادث وكان لسه مخلص شغل ومروح بيته ومفيش أي شبهة جنائية في الحادث، وهو الحادثة حصلت بسبب إهمال المتهمة اللي كانت سابقة العربية.
وأضاف شقيق أحد ضحايا حادث مول العرب قالولي إن المتهمة اللي كانت سابقة العربية كانت بتجري بسرعة وخبطتهم وهما بيعدوا الطريق.
