مروان موسى: بدخل أشوف تعليقات الناس عليا من أكونت فيك.. وبسمع أغاني قديمة زي عمرو دياب
تحدث مطرب الراب مروان موسى عن الأغاني التي يحب سماعها، وعن حقيقة الأكونت الفيك الذي يتابع من خلاله تعليقات الجمهور.
وقال مروان موسى في تصريحات تليفزيونية: عامل أكونت فيك عشان الأكونت بتاعي مشهور فـ بدخل من أكونت فيك وأشوف تعليقات الناس عليا واللي مش عجبني تعليقه بمسحه، وممكن أدخل أسال الناس ايه رأيكم فيا بس هما مش عارفين إني أنا.
وأضاف مروان: ابتديت دلوقتي أسمع أغاني قديمة زي أغاني عبد الحليم حافظ ومحمد منير وعمرو دياب.
وفي سياق آخر، أحيا مروان موسى ذكرى وفاة والدته، وكتب على حسابه الرسمي بـ انستجرام، منشورًا، معلقًا: كل سنة وأنتي طيبة يا أمي ربنا يرحمك، مش بعرف أكتب البوستات الطويلة المعبرة دي بس حاسس إني لازم أعمل دا دلوقتي، عمري ما هنسى يوم ما جدي كلمني وقالي إن جالك مرض خطير في يناير 2017، ودا كان بعد 6 شهور من بدايتي في المزيكا، عشان كدا بداية كاريري في الغناء وبداية إنك تتعبي حاجتين جم حياتي تقريبًا في نفس الوقت.
