أمير مرتضى منصور: النادي الأهلي قوي جدا وسط منظومة رياضية ضعيفة
أكد أمير مرتضى منصور المشرف السابق على الكرة في نادي الزمالك، أن النادي الأهلي منظومة رياضية قوية جدا، وأقوى من اتحاد الكرة والأندية الأخرى ووزارة الرياضة.
تصريحات أمير مرتضى منصور
وقال أمير مرتضى منصور في تصريحات تليفزيونية مع الإعلامية أميرة بدر على قناة النهار: حصل في مصر كام ثورة مأثرتش على النادي الأهلي، ولا تأثر بـ كورونا ولا أزمة أوكرانيا ولا عقود رعاية، بحس إن فيه حاجة غلط في المعادلة، ومبيعملوش أعمال رغم إني مقتنع إن فيه حسد وأعمال، لما بنروح إفريقيا بناخد معانا ماية وحاجتنا كلها، عشان مينفعش نلمس حاجة بسبب الأعمال، ويترمي علينا حيوانات ميتة بالدم عشان عسان السحر، والناس كلها عارفة.
وواصل: النادي الأهلي منظومة قوية جدًا وسط منظومة رياضية ضعيفة، بالتالي قادر ينجح لوحده، والأهلي أقوى من اتحاد الكرة وأقوى من الأندية كلها، وأقوى من رابطة الأندية ومن وزارة الرياضة، وناجح عشان السيستم غلط، ومش معناه أن لو النظام اتعدل هو هيفشل.
وأضاف أمير قائلًا: بحب اتشاف بالشغل والحاجات اللي تبين إني شاطر وذكي، وأنا خبيث ومستبيع، عندي القدرة إني أعرف معلومة عن لاعب ومقلوش سنة عشان استفاد منه وبعدها أقوله، وعندي شراهة في تجميع البطولات.
وأتم أمير مرتضى منصور تصريحاته قائلا: كنت واخد ميدالية وحسيت إن عايز تاني لحد ما بقوا 8 ميداليات، عصبي ومش بتعصب بسرعة، وممكن أكسر المكان، والمستشار مرتضى منصور خسر بسبب غضبه، بسبب رد فعله في مشاكل معاه حق فيها بس اتعصب.
