طارق فؤاد: مدحت صالح مسألش عليا في مرضي وبيتجاهلني رغم إننا قرايب
أعرب الفنان طارق فؤاد عن حزنه الكبير من الفنان مدحت صالح، بسبب عدم سؤال الأخير عنه في فترة مرضه، وتعمده تجاهل فؤاد دائما، مشيرا إلى أن هناك صلة قرابة تربطهما، وأنه أول شخص ساند مدحت صالح وكان سببا في دخوله إلى الوسط الفني.
ورد المطرب طارق فؤاد على سؤال الإعلامية بسمة وهبة في برنامج العرافة، عن سبب خلافه مع مدحت صالح، إذ قال: مدحت صالح لما طلع مع أنغام قلب الحقائق، وقالها أنا وعماد عبد الحليم كنا لا نفترق ولما أنغام قالت له مش كان معاكم طارق فؤاد قالها اه اه كان معانا.. لأ مدحت اللي كان معانا مش أنا اللي كنت معاه، عماد كان بيعدي عليا أنا كل يوم الصبح.
طارق فؤاد يكشف سبب خلافه مع مدحت صالح
وأكمل طارق فؤاد: زعلت من مدحت صالح لأنه تجاهلني، ليه كدة ما تقول الحقيقة عمره ما طلع في مرة قال إن طارق فؤاد أول واحد رحت له، وقلت له أنا عايز أغني، دي حاجة مش هتقل منك، اللي الناس متعرفوش إن مدحت صالح دا قريبي ابن عمي كان متجوز أخته.
وواصل طارق فؤاد: في فترة مرضي مسألش عليا خالص، أنا مريت بأزمة صحية في 2016 وظللت أعاني منها حتى 2020، صحيت الصبح ملقتش صوتي، بسبب حساسية وربو على صدري بسبب الكورتيزون، وصوتي رجع تاني لوحده فجأة من عند ربنا.
