مسلم لـ أميرة بدر: الفلوس كل حاجة.. وعمري ما أعمل زي محمد رمضان
علق مطرب المهرجانات مسلم على حبه للمال، بجانب حديثه عن الفنان محمد رمضان، والنجاح الذي حققه على مستوى الغناء.
وقال مسلم خلال استضافته ببرنامج "أسرار" مع الإعلامية أميرة بدر المذاع على قناة النهار: عندي شهوة الشغل والفلوس، وأنا مدير أعمالي، وبحب الفلوس أوي، الفلوس بتعمل كل حاجة، وقادرة تخلي الناس اللي مكانتش بتبصلك، تبصلك، وعشان أنا متربي تربية مش شبه الجيل ده أنا واللي شغالين معايا، وبالنسبة لي الفلوس مش كل حاجة، لكن دلوقتي بقيت اعتمد أن الفلوس كل حاجة.
وأضاف مسلم: كام واحد قال الفلوس مش كل حاجة لما مسك فلوس بقى إيه، ناس كتير اتغيرت، أصل من غير فلوس هنعمل إيه، لو مشتغلتش على نفسي واتعب واجيب فلوس وأتطور وأطلع وأركب أحسن عربية وأسكن في أحسن بيت والبس أحسن لبس، الناس أكيد مش هتعمل لك حساب.
وعن الفنان محمد رمضان، فعلق مسلم: رأيي في محمد رمضان أنه ناجح، واللي بيعمله حرية شخصية، لكن عمري ما أعمل كده، لأني بعمل الفلوس لنفسي، محبش حد لسه بيحاول يجتهد يشوف اللي عندي ويزعل ويضايق، لأني كنت مكانه في يوم من الأيام، أنا وسلطان الشن أخوات وبنتكلم وهو كويس، وعمري ما حسدت حد.
برنامج أسرار
برنامج "أسرار" تقدمه الإعلامية أميرة بدر على شاشة النهار يوميًا خلال شهر رمضان، في الساعة التاسعة والنصف مساءً، تستضيف من خلاله عدد من نجوم الفن والرياضة والسياسة في مصر.
