نوارة نجم تشيد بمسلسل الحشاشين: كل مشهد قطعة فنية
أشادت الكاتبة نوارة نجم، بمسلسل الحشاشين من بطولة الفنان كريم عبد العزيز ونخبة من النجوم والذي يعرض في شهر رمضان الحالي، ويحظى بمشاهدة واسعة من الجمهور المصري والعربي.
نوارة نجم تشيد بمسلسل الحشاشين: كل مشهد قطعة فنية
وقالت نوارة نجم في منشور عبر حسابها على فيس بوك: ليه مسلسل الحشاشين مش عارف يكرهنا في حسن الصباح، عشان اللي عاملينه فنانين، هي مش شغلتهم يكرهوك في حد والشرير أبو ضحكات متقطعة شريرة ده فن رديء جدا، خصوصا لو بيقدم شخصيات حقيقية وتاريخية، وحسن الصباح ما يتكرهش! هو شخصية عليها خلاف.
وأضافت: وشيء لطيف أن الناس تبقى مرتبكة قصاد واقعة قتل ابنه ومختلفة عليها، وناس تقول إن دي نزاهة وناس شايفاها قسوة.
وواصلت: وهو المطلوب إثباته! هو خلق الحالة المرتبكة دي في حياته، ومفيش شخصية في المسلسل تتكره لأن كل واحد له دوافعه ومنطقه.
واختتمت نوارة نجم: وهما مش جايين يلاغوا رضع، ده رسم شخصيات دقيق جدا وإنساني وفني وجميل، كل شخصية متشبعة وواخدة حقها ولما تسمع ده تقول أه والنبي صحيح، تسمع عدوه تقول أه والنبي معاك حق، وكل مشهد قطعة فنية مفعمة بالمشاعر وتنفذ إلى القلب، وهي تجربة شعورية حلوة ليكم يا شباب عشان تعرفوا أن كل ابن آدم دماغه مريحاه.
