ياسر جلال عن شقيقه رامز: راجل والفنانين اللي بتروحله برجليهم.. وأصبح حقيقة رمضانية رغم الحروب
علق الفنان ياسر جلال، على الهجوم الذي يتلقاه شقيقه الفنان رامز جلال، بسبب برامج المقالب التي يقدمها كل عام خلال شهر رمضان، مؤكدًا أن رامز أصبح حقيقة رمضانية.
وقال ياسر جلال، في لقائه مع الإعلامية فاطمة مصطفى، في برنامجها الراديو بيضحك عبر محطة الراديو 9090: رامز جلال جميل، وأنا عايز أقول لكل الناس اللي بتهاجمه هو دلوقتي الفنانين والمشاهير هما اللي بيروحوا له برجليهم، وأنا ليا ناس بتكلمني تقولي معقول رامز مجبناش السنة دي؟ رامز أصبح حقيقة رمضانية موجودة كل سنة، وكل الناس حتى لو ليها تحفظ على اللي بيقدمه بيتفرجوا عليه.
وأضاف ياسر جلال: أنا بشكر رامز على اللي بيقدمه وبحييه على شجاعته وتحمله كم الحروب اللي بياخدها هذا الرجل، أنا بقوله أنت راجل بجد أنك تقدر تتحمل كم الحروب دي وتفضل زي ما أنت نجم النجوم، وأنا أكتر واحد في الكون عارف أنك تستاهل كل خير، ورامز بيعمل خير كتير علشان كده ربنا بيسترها معاه وبيوفقه.
ياسر جلال
وخاض الفنان ياسر جلال، السباق الرمضاني الحالي بمسلسل جودر، ويشاركه البطولة كلًا من: الفنانة نور اللبنانية، ياسمين رئيس، جيهان الشماشرجي، وفاء عامر، محمود البزاوي، وليد فواز، وعدد آخر من النجوم، والعمل من تأليف أنور عبد المغيث، وإخراج إسلام خيري.
رامز جلال
بينما قدم الفنان رامز جلال، هذا العام برنامجه رامز جاب من الآخر، ووقع عدد كبير من نجوم الفن في الوطن العربي ضحايا المقلب، وأبرزهم: محمد رياض، أحمد عيد، حسين عسيري، أصيل محمد، محمود كهربا، عبد الله السعيد، إمام عاشور، أبو جبل، مصطفى شوبير، باسم سمرة، محمد شاهين، علي البليهي، أحمد السقا، نجلاء بدر، مي عمر، ريم طارق طليقة حسن شاكوش، طارق لطفي، محمد أنور، حسن شاكوش، حمو بيكا، كزبرة، محمد لطفي، أحمد مالك، هدى المفتي، أية سماحة، هاجر السراج، فراس البريكان، مها أحمد، أحمد حسام ميدو، حسين الشحات، فادي خفاجة، وغيرهم.
