ميدو: مشكلة عواد ليست فنية.. لازم يحس أنه رقم 1 في الزمالك
كشف أحمد حسام ميدو نجم الزمالك السابق، أسباب تراجع مستوى محمد عواد حارس مرمى الأبيض، مؤكدًا على وجود أزمة في مركز حراسة مرمى القلعة البيضاء.
ميدو يكشف أسباب تراجع مستوى محمد عواد
كتب ميدو عبر حسابه الشخصي عبر منصة إكس: في أزمة حقيقية في مركز حراسة المرمى في نادي الزمالك.
وتابع: الأخطاء اللي بيعملها عواد ملهاش علاقة بمستواه الفني، لأني دربته قبل كده في الإسماعيلي وفي الوحدة، وعارف كويس إن مستواه أفضل بكثير من المستوى اللي بيقدمه دلوقتي مع الفريق.
وواصل: مشكلة عواد الحقيقية إنه لغاية دلوقتي مجددش عقده، وميعرفش السنة اللي جايه هيكون فين، وده واخد جزء كبير من تفكيره ومن تركيزه، وهى دي شخصية عواد لازم يحس إنه نمره واحد، وإن مستقله في أمان، ساعتها، هيتحول لحارس تاني خالص.
واختتم ميدو تصريحاته: لو قرر الزمالك عدم التجديد لعواد فنصيحتي لجوميز لازم تشرك حارس مرمى تاني، حتى لو ولد صغير لان استمرار الموقف كما هو عليه هيكلف الزمالك أسهل بطولة قارية ممكن يفوز بيها.
ونجح الفريق الأول لكرة القدم بنادي الزمالك في التأهل لنصف نهائي كأس الكونفدرالية، بعد تخطي مودرن فيوتشر بنتيجة 3-2 في مجموع مباراتي دور ربع النهائي.
موعد مباراة الزمالك القادمة
يلتقي فريق الزمالك مع نظيره الاتحاد السكندري، يوم الخميس المقبل، في البروفة الأخيرة قبل مواجهة الأهلي بمباراة القمة.
