إدوارد: استعنت بدوبلير في مسلسل بقينا اتنين.. وأنا وشريف منير هنعمل فرقة خاصة وهنقدم حفلات في الصيف
تحدث الفنان إدوارد، عن كواليس مشاركته في مسلسل بقينا اتنين، الذي عرض في شهر رمضان، وحقق نجاحا جماهيريا كبيرا.
قال إدوارد في تصريحات لـ القاهرة 24، إن كواليس تصوير مسلسل بقينا اتنين كانت ممتعة، معلقا: الكواليس كنا بنضحك كتير وعملنا إيفهات كتير، وكمان طارق رفعت مكنش بيعرف يقول استوب من كتر ما إحنا عاملين نقول إيفيهات وبنقعد نضحك عليها، وشريف منير جميل.
إدوارد: استعنت بدوبلير في مسلسل بقينا اتنين
استكمل إدوارد:استعنت بدوبلير في مسلسل بقينا اتنين، لتقديم مشهد سواقة موتوسيكل هارلي كأنه أنا.
وعن جديد أعماله الفنية قال إدوارد: إن شاء الله قريب هعمل فرقة أنا وشريف منير، وهنعمل حاجات الغربي القديمة هنجمع فرقتي وفرقته مع بعض.
وأضاف إدوارد: لسه مستقرناش على اسم للفرقة، هنبدأ بروفات إن شاء الله قريبا، وهنقدم حفلات في الساحل الشمالي.
مسلسل بقينا اتنين
يذكر أن مسلسل بقينا اتنين عرض في السباق الرمضاني لهذا العام، وحقق العمل نجاحا كبيرا وقت عرضه، وجاء العمل في إطار كوميدي درامي، حول قصة امرأة مطلقة تتحدى نظرة المجتمع لها، ومحاولة التصدي لتأثير قرار الانفصال عليها وعلى أولادها الشباب، وكذلك طليقها.
أبطال مسلسل بقينا اتنين
مسلسل بقينا اتنين بطولة شريف منير، رانيا يوسف، عمرو وهبة، تامر فرج، مروة عبد المنعم، ميمي جمال، تامر فرج، والعمل من تأليف أماني التونسي، وإخراج طارق رفعت.
