ننشر آخر تطورات أزمة هدم متحف نبيل درويش
أصبحت أزمة هدم متحف الفنان التشكيلي الراحل نبيل درويش، بسبب توسعات أحد الطرق واحدة من القضايا الثقافية التي تشغل بال المثقفين في مصر، وأمس شهدت الأمر تطورا جديدا حيث أكدت أسرة التشكيلي نبيل درويش أن الجهات المختصة أكدت أيضا أنه سيتم أخذ بيت الفنان وجنينة البيت لصالح الطريق.
تطورات جديدة في هدم متحف نبيل درويش
وكتبت نجل الفنان التشكيلي نبيل درويش غبر صفحة المتحف في فيسبوك: مذبحة تاريخية وإنسانية النهارده كان فى اجتماع مع مهندس الطرق والكباري، وبلغنا ـن مش بس عايز يهد المتحف كمان هياخدوا الجنينه وجزء من البيت، بمعنى أن الطريق هيكون ملاصق تماما للبيت يعنى مفيش لا مدخل ولا مخرج ليه مع عدم وجود مسافة آمنة بين الطريق والمنزل، وده بيمثل خطورة شديدة على حياه زوجة الفنان الراحل، واللي أفنت حياتها فى الحفاظ على مقتنياته واللي بيمثل عمرها السابق والحاضر والمستقبل والذي لا يعلمه الا الله.
وتابعت: حقيقي مفيش كلام ممكن يعبر أو يوصف الوضع اللي احنا فيه ما بين كارثه هدم المتحف والحفاظ على مقتنيات والدي وبين رفض أمي ترك المنزل واللي كان المفترض نقل فيه الأعمال لحين إشعار آخر، أو إيجاد مكان بديل واللي أصبح من المستحيل الإقامة فيه لعدم وجود سكن بديل يعنى بطريقة غير مباشرة ولا هيسيبوا المتحف ولا هايسيبوا أمي تعرف تعيش فى البيت غير كدا الضغط العصبي الرهيب والتوتر اللي عايشين فيه بسبب لجنه تنفيذ قرار الهدم.
وختمت: نهاية حزينة لتاريخ فنان أفنى حياته لمصر.. لله الأمر من قبل ومن بعد.
