2 مليون جنيه.. تيكتوكر يتلقى هدية من شخص مجهول بسبب أغنيته: ساعدته يرجع لحبيبته
كشف التيكتوكر درجالي أنه استيقظ على خبر غريب بعد تلقيه مبلغ 40 ألف دولار هدية، من رجل أجنبي يشكره فيه بسبب أغنيته التي أثرت فيه بشدة ودفعته لإصلاح علاقته مع حبيبته.
هدية 2 مليون جنيه
نشر تيكتوكر درجالي فيديو له على حسابه الشخصي على تيكتوك، وذلك بعدما تفاجأ بمبلغ 40 ألف دولار على حسابه الشخصي إنيستا باي، وأوضح أنه وجد رسالة لشخص أجنبي يوضح سبب إرساله هذا المبلغ.
وقال درجالي: والله كرم ربنا كبير جدًا أنا كل يوم كنت بفتح أدور على شغل اتبعت لي بدور على شغل ومكنش في أي حاجة، كل ما بتضيق كل ما بتفرج في الآخر.
وتابع درجالي: صحيت على ميل لقيت باي بال بتقولي متحولك 40 ألف دولار، أنا معرفتش ده منين أنا قولت ده هاك، ولكن دخلت على بي بال لقيت فعلا الفلوس ديه جت، ومعرفش ده حصل ازاي.
وأوضح درجالي: لقيت رسالة من شخص أجنبي وهي الرسالة مش بالمصري لكن مضمونها بيقول إن الشخص ده سمع أغنيتي وأثرت فيه وفكرته بحبيبته، فرجع كلمها وهيتجوزوا وبعتلي رقمه عشان اتوصل معاه، لكنه رفض إني أذكر اسمه وفضل إن الموضوع ده يبقى برايفت.
وأشار درجالي: أنا كنت بحسب إن الحاجات ديه بتحصل في الأفلام، لكن بقول أنت ممكن تصحى تلاقي نفسك في حتة تانية.
