محمود طوبار بطل فيلم الإرهابي يروي مواقف جمعته بـ عادل إمام: كان بيرشحني في أعماله ولا يحتكر النجوم
كشف الفنان محمود طوبار، كواليس جمعته بالزعيم عادل إمام، في العديد من الأعمال الدرامية، والسينمائية، إذا أشار إلى أنه ممثل ذكي ويختار أعماله بتقنية عالية، إلى جانب حديثه عن بعض المواقف التي جمعته بالفنان أحمد مظهر ومحمود ياسين.
محمود طوبار:عادل إمام ممثل ذكي ولا يحتكر أحدا
وقال محمود طوبار خلال لقائه مع القاهرة 24 قائلًا: الأستاذ عادل إمام ممثل قوي جدا، وذكي جدا وبيختار أعماله بتقنية عالية وفي الوقت المناسب، ومبيشتغلش أي حاجة، وهو اللي رشحني لفيلم الإرهابي وشافني فيه ثم بعد كده فوجئت إني مترشح لـ 3 أفلام تانية، كان منها رسالة إلى الوالي، وفيلم عريس من جهة أمنية، وفيلم أمير الظلام.
وأضاف: كان بيكلمني محمد زين مدير الإنتاج يقولي الأستاذ عادل إمام عايزك معاه في الأفلام، ودي كانت حاجة بتسعدني جدًا، كان بيسعدني إني أسمع إن الأستاذ عادل إمام عايزك معاه في فيلم، وادتني ثقة كبيرة في بدايتي كممثل مبتدئ.
وأكد: الزعيم ما بيحتكرش حد ومابيديش توجيهات لكن أما بيقف قدام الكاميرا بيبقى ممثل ولو شايف إن في حاجة تعلينا في المشهد بيقول.
وأكمل: كان في مشهد في عريس من جهة أمنية وروحت أحضر التصوير سلم عليا وقال أنا مش قولتلكم محمود اللي يعمل الدور ده، وهو فنان لا يعوض زي أحمد ذكي ونور الشريف، وأحمد مظهر.
وأضاف محمود طوبار عن موقف جمعه بالراحل محمود ياسين قائلًا: روحت لـ محمود ياسين ودخلت ليه في فيلم الكداب وقولتله عاوز أمثل أنا طالب قالي روح خد شهادتك وبعدين اشتغل وماتبصليش النهارده وأنا طالب كان وقتها مافيش منافس منه وفضلت شغال على المسرح سنين محدش يغرفني.
وتابع محمود طوبار: لقيت المدام بتقولي إن أحمد مظهر كلمك ورن عليك وقال إنه هيكلمك تاني، وكلمني بالفعل وقالي بعزمك عندي في العزبة وروحت ليه بعد صلاة الجمعة لقيته مستنيني بعربيته ولقيت فيلته فيها كل أنواع الزهور، وعامل لينا غداء وأنا قولت هو عزمني ليه ولقيت منه أخلاقيات برنس.
