سيد عبد الحفيظ يتحدث عن عودته للنادي الأهلي.. وخالد بيبو يرد
حرص سيد عبد الحفيظ على التعليق بشأن عودته مرة أخرى لـ النادي الأهلي في منصب مدير الكرة خلال الفترة المقبلة.
تصريحات سيد عبد الحفيظ
وقال سيد عبد الحفيظ في تصريحات تلفزيونية: خالد بيبو يسير بشكل جيد، والأهلي ماشي بشكل جيد، وعلى أعتاب الفوز ببطولة إفريقيا، وعلى أعتاب بطولة الدوري لو فاز بالمؤجلات.
وتابع: أنا يشرفني أكون متواجدا في النادي الأهلي بكل تأكيد، ولكن مش دلوقتي خالص، ورصد اسمي في الفترة الحالية مش كويس للفريق ولا للنادي، وخصوصًا إن الدنيا ماشية كويس.
وأضاف: هفضل أقول إن طريقة رحيلي عن الأهلي كانت وحشة.. بس ده مش معناه أن يبقى جوايا غل من خالد بيبو.
تصريحات خالد بيبو
ورد خالد بيبو على تصريحات سيد عبد الحفيظ قائلا: أنا شغال بـ حاجات كتير أوي من اللي أنت سايبها، وهايفضل النادي الأهلي بيتنا، واحنا دلوقتي شايلين المسئولية، وانت سايبلي حاجات كتير أنا ماشي بيها دلوقتي.
وأكمل: عندنا تلاحم في المباريات والسفريات، وطبيعي اللاعيبة بتتعب، وتعب شديد جدا، وفي ناس أول ما الفريق يمر بصعوبات بيبتدوا يحاربونا، ولكن إحنا الحمد لله الدنيا عندنا في النادي الأهلي كويسة جدا، ومش بنركز في الكلام ده ومركزين في شغلنا بس.
وتابع: أي وقت بكلم سيد عبد الحفيظ في أي حاجة، عالطول بيقولي وبيكلمني وهو ده اللي إتعلمناه جوه النادي الأهلي.
وأتم خالد بيبو تصريحاته قائلا: الهدف مش خالد بيبو ولا سيد عبد الحفيظ، الهدف هو النادي الأهلي.
