تشييع جثمان ضحية حادث عصام صاصا في الفيوم

شيع أهالي عزبة خليل الجندي بمركز إطسا بمحافظة الفيوم، جنازة الشاب، أحمد عبدالفتاح، الذي لقي مصرعه، بعد أن ‏دهسته سيارة مطرب المهرجانات عصام صاصا، وسط انهيار أسرته، حزنا على فراقه، وتم دفن الجثمان في مقابر أسرته.

والدة الشاب المتوفى: كان بيسعى على لقمة العيش

وقالت والدة أحمد عبد الفتاح، ابن محافظة الفيوم، ضحية دهس سيارة عصام صاصا، أن ابنها كان يسعى من أجل لقمة العيش، مردفة: ابني طلع على لقمة عيشه الصبح، معاه 4 أولاد والمتهم خبطه بالعربية موّته، ولازم ناخد حقه وإحنا مش هنتنازل عن حقه.

وأضافت والدة الشاب المتوفى: مقدرتش أدخل المشرحة أشوف الجثة، بعد ما قالولي ابنك في المشرحة وقعت من طولي ومقدرتش أدخل أشوفه، وكان نفسي أشوفه، الناس بلغوني الصبح إن ابني مات في حادث على الطريق، وأهل عصام صاصا كانوا معايا الصبح، وأنا معرفهمش وجابوني لحد المستشفى وقعدوا يهدوا فيا ويشربوني ميّة، بس مقالوليش إن ابنهم اللي خبط ابني.

وواصلت والدة الشاب الراحل: معرفش هو كان ماشي إزاي؟ شارب ولا مسطول عشان يمشي يدوس ويموت الناس على الطريق، لازم يسوق بالراحة لأن أرواح الناس مش لعبة في إيديهم، ابني طلع على لقمة عيشه وعنده أولاده بيجري عليهم، كان طالع على شغله وكان بيعدي الطريق عشان يروح شغله.

والدة ضحية الدهس: هو عشان مطرب يمشي يدوس في الناس

وذكرت: هو عشان مطرب يمشي يدوس ويموت في الناس ومحدش يسأله أنت بتعمل إيه، ابني كان طالع على أكل عيشه، مش عارفين أولاده هياكلوا منين بعد وفاته، وإحنا عايزين حق أولاده اللي كان طالع عشان يجيب لقمة عيش عشانهم.

وأردفت والدة الضحية: آخر مرة شوفته فيها من أسبوع، لإني قاعدة في القاهرة وهو قاعد في البلد بيروح وييجي كل يوم، وهو كلمني الصبح قال لي أنا جاي من البلد، عشان كان نزل يحضر كتب كتاب حد من قرايبه.

تشييع جثمان ضحية حادث عصام صاصا: ودفنه بمقابر اسرتهابالفيوم