محمد محمود: إحنا السبب في احتكار السلع.. ونرجع نقول البلد مش موفرة حاجة
تحدث الفنان محمد محمود عن تفاصيل دوره في فيلم بنقدر ظروفك، بطولة الفنان أحمد الفيشاوي، الذي يُعرض حاليًا في دور العرض، متمنيًا أن ينال العمل إعجاب محبيه.
الفنان محمد محمود يتحدث عن دوره في فيلم بنقدر ظروفك
وقال محمد محمود في تصريحات لـ القاهرة 24، إنه يلعب دور والد الفنان أحمد الفيشاوي ضمن أحداث الفيلم، ويحدث ما بينهما العديد من المواقف الكوميدية.
محمد محمود: إحنا السبب في احتكار السلع مش البلد
وواصل محمد محمود: فكرة الفيلم هي اللي شجعتني للمشاركة، وهي بتكلم عن إن كل واحد ياخد اللي على قده ومنحتكرش السلع، وبعد كده نغلي على بعض علشان البلد متحملش كل حاجة، وإحنا بنكون السبب في احتكارنا للسلع الأساسية ونقول البلد في الآخر مش موفرة لينا حاجة وإحنا السبب.
وأضاف محمد محمود: مهمة الفن الرئاسية إننا نفكر الناس بمشاكلهم وعيوبهم علشان نصلح من نفسنا والمجتمع يمشي في الطريق الصح.
أبطال فيلم بنقدر ظروفك
وفيلم بنقدر ظروفك، يخوض بطولته النجوم أحمد الفيشاوي ومي سليم ونسرين طافش ومحمود حافظ ومحمد محمود وعارفة عبد الرسول وإبرام سمير وطاهر أبو ليلة، ويوسف وائل نور ويوسف الأسدي وغيرهم من نجوم الفن، ومشرف عام على الإنتاج محمد علاء الدين، ومن إنتاج شركة كولومبيا للإنتاج الفني، ومن تأليف سمير النيل وإخراج أيمن مكرم.
قصة فيلم بنقدر ظروفك
وتدور أحداث فيلم بنقدر ظروفك حول قصة تساؤل مضمونه: هل يصمد الحب في قلبي حسن وملك اللذين يعيشان في حارة فقيرة يتغذى أهلها على رجول وهياكل الفراخ، ويشترون المواد التموينية بالتمن والربع كيلو، وحين يقررون الخروج في مشوار يدفعون 2 جنيه مقابل رشة البرفان، وتشتري بناتها كريمات التجميل بمعلقة الآيسكريم! فهل يصمد الحب في هذه الأجواء.
