سعد الصغير: رضا البحراوي والليثي بابابهات الشغلانة.. وبستعين بالراقصات عشان صوتي 50%
علق الفنان سعد الصغير عن ربط اسم أغنيته الجديد بابا الشغلانة، المقرر طرحها قريبًا، باسم أغنية عم المجال كله للمطرب محمود الليثي، مشيرًا إلي أن لا يوجد خلاف بينهما.
سعد الصغير: رضا البحراوي والليثي بابابهات الشغلانة
قال سعد الصغير في تصريحات لـ القاهرة 24: مفيش تشابه أو ربط بين أغنيتي وأغنية محمود الليثي عم المجال، ومقصدش حد معين بأغنية بابا الشغلانة، ومن وجهة نظري رضا البحراوي والليثي بابابهات الشغلانة لأن عندهم كل مواصفات الغناء ومحدش يختلف عليهم، لكن أنا راجل على قدي باكل عيش وربنا مديني القبول في الأفراح.
وواصل سعد الصغير: كل المطربين بقوا بيقلدوني أنهم يغنوا ويكون معاهم راقصين، وأنا بعتب على الناس دي لأن صوتهم حلو، وأنا بستعين بالراقصات عشان صوتي 50%، وبكمل باستعراض ليهم.
واستكمل سعد الصغير: أنا أول شخص ينزل 70 فرد يرقصوا ومكنش وقتها فيه استعرض في مصر، وفرقتي لما بتنزل بيكون ملهاش علاقة بالبنات في الأفراح، وبشرط عليهم ممنوع حد يرقص مع بنت عشان لبسهم، عندنا فيه نظام ومتربيين.
سعد الصغير يروج لأحدث أغانيه بابا الشغلانة
وسبق، روج سعد الصغير، لأحدث أغانيه بابا الشغلانة، المقرر طرحها خلال الفترة المقبلة عبر قناته الرسمية بموقع اليوتيوب.
ونشر سعد الصغير، صورة له وهو مرتدي بدلة فورمال وفي يده سيجارة، عبر حسابه الشخصي بموقع الفيديوهات إنستجرام، وقال: بابا الشغلانة قريبًا سعد الصغير.
وربط الجمهور اسم أغنية بابا الشغلانة لسعد الصغير بأغنية عم المجال كله الذي قدمها المطرب محمود الليثي مؤخرًا، وحققت الأغنية نجاحًا واسعًا.
