بعد أزمات أوبر المتكررة.. عايدة فهمي: بناتنا ناصحين وأنا بتعرض لسخافات وسرقة رغم سني
علقت الفنانة عايدة فهمي، على أزمات سائقي شركة أوبر المتكررة خلال الفترة الأخيرة، من محاولات تحرش واختطاف واغتصاب الفتيات، مؤكدة أنها ما زالت تتعرض لمضايقات من السائقين رغم كبر سنها.
وقالت عايدة فهمي، في لقائها مع القاهرة 24: بناتنا شاطرين ومش عايزين نصائح، وفي تاكسيات عادية أنا شخصيًا بتعرض لسخافات فيها مش بس أوبر، خلوا بالكم من أي حاجة بتركبوها واللي معاكم يكونوا عارفين خطواتكم.
وتابعت عايدة فهمي: أنا في سني ده ببعت لـ ابني أنا راكبة إيه ورقمها إيها، وفعلًا بلاقي مضايقات وسرقة وحاجات كتير، وبناتنا محميين وهما شاطرين اطمنوا عليهم.
رسالة عايدة فهمي لـ أحمد العوضي
كما وجهت الفنانة عايدة فهمي، رسالة للفنان أحمد العوضي، بعد نجاحهما بمسلسل حق عرب، الذي عرض في السباق الرمضاني 2024، قائلة: أول مرة أقابله، وهو شاب محترم وفنان مهتم جدًا بتفاصيله ومهتم بكل حاجة حواليه، أنا بحييك يا أحمد أنت نجحت نجاح كبير أوي، وكواليسك أنجح كمان من اللي ظهر للناس، أنت راجل محترم وفنان ونجم أول.. وهتعلى كمان وكمان من أخلاقك وفنك، شكرًا لأني كنت معاك.
أما عن مشاركتها في مسلسل الحشاشين، قالت عايدة فهمي: شاركت في مسلسل الحشاشين بمشهد واحد كان افتتاحية المسلسل، وكون إني أشارك في مسلسل عظيم زي ده لو بمشهد أنا راضية ومبسوطة، ومفيش حاجة بتمر من غير انتقادات، لكن المحصلة بتقول إنه عمل يشرف مصر والوطن العربي.
