أفشة: جمهور الأهلي بيدي طاقة ما تتوصفش.. والله يسامحك يا عارضة
وجه محمد مجدي أفشة لاعب الفريق الأول لكرة القدم بالنادي الأهلي، رسالة إلى جماهير القلعة الحمراء بعد التتويج بلقب دوري أبطال إفريقيا.
رسالة أفشة لجماهير الأهلي بعد التتويج بإفريقيا
وكتب أفشة عبر حسابه الشخصي على موقع إنستجرام: مفيش كلام أقوله أكثر من الحمد الله، كرم ربنا ملوش حد، 4 بطولات إفريقيا مع الأهلي.
وتابع: كنت فرحان بأول بطولة وبعد الرابعة لسة بقول فيه تاني، إيه النادي الغريب ده؟ إيه الجمهور الغريب ده؟ كل اللي كان في بالي إن يارب الناس دي تروح مبسوطة، یارب الناس جايه من الصبح في الحر والشمس، يا رب أسر وأطفال وكبار وحالات إنسانيه، الي من مطروح وإسكندريه وأسوان، واللي بايت قدام الاستاد، إيه العظمه دي ؟
وأكد: جمهور الأهلي بيدي طاقه ما تتوصفش، شعورك وأنت في ملعب مقفول كأنك طاير في السما.
واختتم أفشة رسالته: الأهلي نعمة كبيرة جدًا، الأهلي هو التاريخ والمستقبل، شكرا يا أهلي على السعادة والفرحة، ومبروك يا رجالة والله يسامحك يا عارضة.
ونجح الفريق الأول لكرة القدم بالنادي الأهلي في التتويج بلقب دوري أبطال إفريقيا، للمرة الثانية عشر في تاريخه والثانية على التوالي، بعد الفوز على الترجي التونسي بنتيجة 1-0 في مجموع المباراتين.
وضمن النادي الأهلي تأهله إلى بطولة كأس الإنتركونتننتال، والمقرر عودتها في العام الجاري، بمشاركة أبطال القارات الست.
