منى الشاذلي من مهرجان إبداع لشباب الجامعات: الموهبة بتسري في جينات المصريين
أعربت الإعلامية منى الشاذلي، عن سعادتها الكبيرة بتكريمها وحضورها ختام مهرجان إبداع لشباب الجامعات، حيث أشادت بالمواهب بالمهرجان، مؤكدة أنهم سيقدمون فقراتهم على مسارح الوطن العربي قريبًا.
وقالت منى الشاذلي، في كلمتها عقب تكريمها وتسليمها دروع التكريم للفائزين: لما جيت النهاردة كنت جاية وأنا واعدة نفسي بالاستمتاع بحفل راقي وأنا وسط شباب مبدعين من محافظات مصر، اللي بيأكدوا أن الإبداع والجمال والموهبة شيء بيسري في جينات الشعب المصري، وبعد الحفل الكلام كان لازم يتغير لأن دول أساتذة محترفين ممكن يعزفوا ويغنوا في كبريات المسارح في الأقاليم كلها، إيه الانسجام والاحترافية دي، مستواهم أعلى بكتير من شباب الجامعات.
وواصلت منى الشاذلي: أؤكد أن في القريب العاجل المواهب دي هتكون على مسارح مهرجان الموسيقى العربية وموازين وكل المهرجانات العربية، لأنها على حق أن تقف في تلك المكانة، كل الشكر لوزارة الشباب والرياضة لأنها أيقنت أن الكنز هنا.
مهرجان إبداع لشباب الجامعات
وأحيت الفنانة هلا رشدي، حفل ختام الدورة الـ 12 لمهرجان الإبداع لشباب الجامعات، حيث قالت في كلمتها: أنا طالبة في جامعة القاهرة تجارة إنجليزي، عمري ما جربت أدخل مسرح الجامعة أو أحاول أغني عليه، كان عندي مشاكل، لكن لو على أيامنا كان مهرجان إبداع كنت هتشجع، بترعش من عظمة المكان.
