الجمعة 29 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

مطالب لمستشفى 57357 بالكشف عن سياسة قبول المرضى فى الإعلانات

القاهرة 24
تقارير وتحقيقات
الجمعة 14/يوليو/2017 - 07:02 م

ناشد الدكتور شادي الغزالي حرب الناشط السياسي والطبيب المعروف القائمين على مستشفى 57357 إيضاح القوانين أو الشروط الموضوعه التي تقبل على أساسها دخول المريض للمستشفى.

وأنتقد شادي بعض شروط المستشفى مثل شرط “انتوا حاطين شرط عدم خضوع المريض لأي علاج سابق” وعلق عليه قائلا: أنا شخصيا شايف الشرط ده ينفع لدكتور في عيادة خاصة بيصرف على عيادته من فلوسه و يهمه يحافظ على معدل نجاح معين عشان أسباب تسويقية بحتة…

أما مستشفى مبنية على التبرعات و بتروج انها في خدمة الجميع، فأنا شخصيا ماشفتش الشرط ده لا جوه مصر ولا بره، ولا أقبل فلوسي تروح لمكان عنده الشرط المجحف ده…

وأحب يوم ما أتبرع ان فلوسي تروح لمكان بيخدم كل الطبقات و بلا شروط مسبقة، بالذات و احنا شايفين الدولة شايله إيدها تقريبا من الإنفاق على القطاع الصحي و سابت أغلبه كمسئولية على القطاع الأهلي و التبرعات في نموذج بيثبت فشل الدولة و اعتمادها على الشحاتة لنهضة أحد أهم القطاعات في مصر… طبعا لأن الصحة و التعليم مش أولوية لأنظمتنا المصونة…

لكن في الآخر ده رأيي الشخصي…”

وتابع الغزالي حرب “بس الأكيد ان من حق كل المتبرعين يعرفوا قوانين الكيان ده إيه قبل ما يحطوا فلوسهم فيه، يعني مثلا هما متأكدين يوم ما يتبرعوا للقصر العيني أو معهد الأورام ان مفيش مريض بيترفض أيا كانت مرحلة مرضه أو نوع العلاج اللي تلقاه”.

وأردف قائلا “بالعكس تماما، احنا اتربينا في القصر العيني على ان واجبنا هو علاج الأخطاء الطبية -الكثيرة للأسف- اللي بيتعرض المريض ليها قبل ما يجيلنا، هي دي رسالة الطب اللي بجد، مش رسالة التجارة بالطب، و لو في مشكلة في استيعاب حالات بسبب عدم وجود أماكن في الرعاية مثلا فده الحائل الوحيد اللي بيبقى بيننا وبين المريض و ده السبب الأساسي اللي الأماكن دي بتطلب تبرعات عشان تزود طاقتها الاستيعابية، وقتها ماحدش يقدر يغلطك لو رفضت حالة، ده بالعكس، هتلاقي الناس بتزود تبرعات عشان طاقتك الاستيعابية تزيد و تقدم الخدمة لقطاع أكبر، زي ما انتم متمسكين بقوانينكم الخاصة و رافضين حتى تراجعوها، و بتعتبروا ده حق ليكم، يبقى إعلنوا عنها بشفافية تامة في إعلانتكم اللي ملهاش أول من آخر و سيبوا الناس تختار الجهة اللي هما يحسوا إنها مستحقة لفلوسهم و تبرعاتهم”.

تابع مواقعنا