تقاريرمنوعات

تعرف على التطبيق الذي يحميك من استغلال “الصنايعية”

ظهر تطبيق يحمل اسم “فيكساوي”على اجهزة المحمول والكمبيوتر، ويعمل تطبيق “فيكساوي” عن طريق طلب العميل إحدى الصنايعية لتصليح غسالة أو ثلاجة أو تركيب شباك أو تغير خلاط للمطبخ ألخ…

ويغطي التطبيق عدة ممحافظات مصرية منها القاهرة والأسكندرية والجيزة وستغطي باقي المحافظات قريبا.

وعن طريقة تشغيل التطبيق تقوم بتحميلة من على شبكة الانترنت، وتقوم بالتسجيل فيه بالايميل الخاص بك “للفيس بوك”، ثم بعد ذلك تقوم بأختيار المدينة ثم المنطقة، ثم تختار الخدمة التى تحتاجها مثل: (كهربائى، سباك، نجار، ألخ…. ).

وروى أحد مستخدمي تطبيق “فيكساوي” أنه رأى التطبيق بالصدفة البحتة على موقع التواصل الإجتماعي فيس بوك، وقام بتحميلة بعد أن ضاق ذرعاً من “الصنايعية” وعدم إلتزامهم بالمواعيد.

وأضاف في تدوينته “امبارح نزلت ادور على كهربائى يجى يعلقلى النجفة علشان ريحت و بقت متعلقة على السلك بس و خايف تقع، وصلت لواحد و قلت له انا عايز ايه، قال لي هتكلفك 120 جنيه، و قال لي هاجيلك بعد عشر دقائق، ساعة كاملة و مجاش”

وأوضح “كلمته قال لى اصل ماعرفتش اجيب سلم فمشيت هكذا بمنتهى البساطة….. من غير ما يقول للناس اللى مستنياه ولا حاجة.. عادى.. شغل الصنايعية البهوات”

وأشار “من كام اسبوع كنت اتكعبلت فى application على الفيس بوك اسمها fixawy هى معمولة لطلب الصنايعية رحت فاتحها لأول مرة و قلت اجرب”

وعن طريقة التسجيل في التطبيق يقول “بتعمل تسجيل لحسابك بالفيس بوك، تختار المدينه و تختار المنطقة، و تختار الخدمة اللى محتاجها (كهربائى، سباك، نجار …… )، يجيبلك لستة باسامى الناس اللى فى منطقتك و كل واحد جنبه التقييم بتاعه، تختار واحد منهم و تحجز اليوم و الساعة زى ما انت عايز، يديك اختيار فى الاخر أنه لو ماتفقتش مع الصنايعى ده يشوفلك حد تانى…. و كملت الطلب”.

ويستكمل العميل حديثه قائلاً: “بعدها بساعة جاتلى notification، أن قد تم الاتفاق مع الكهربائى الفلانى و رجاء تأكيد المعاد، كلمت الراجل و حددت معاه المعاد و كله تمام، كلمنى الصبح و جه قبل معاده، خلص الشغل فى ربع ساعة بحرفية عالية، و الراجل محترم و نظيف جدا كمان، بقوله كام قاللى استنى هاحط application ، انا عملت ايه …. و هى بتسعر وحدها، طلعت التكلفة ٥٥ جنيه، انا قلت تمام…. قال لى لا استنى كده غالى، راح مكلمهم و معدل السعر، و دفعت ٤٠ بس
اديته تقييم ممتاز طبعا”.

محمود هاني

صحفى مصرى متخصص فى الشئون السياسية والقضائية

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *