قصة بسام يوسف ومشروع “وصلنى” فى مصر (صور)

كشف باسم يوسف طالب بكلية تجارة انجلش بالفرقة الثانية، عن تطبيق يساعد الأشخاص لإرشادهم للطريق الصحيح.

وأضاف يوسف في تدوينة نشرها على موقع التواصل الأجتماعي “فيس بوك”، أنه وزميل له يدعى جلال الدين عقبي، قاموا بعمل تطبيق أو أبليكيشن “وصلني”

، يساعد الأشخاص في معرفة الطريق من شبرا إلى رمسيس مثلاً، وما هي وسائل المواصلات المتاحة، وسعر تكلفة الرحلة أيضاً.

وينقل لكم “القاهرة24” تدوينة الطالب “باسم” وتفاصيلها الكاملة من صفحتة الشخصية:-

“ببساطة انا و جلال اتنين طلبة في تجارة انجلش و هندسة القاهرة ، جتلنا فكرة ابلكيشن شوفنا انه هيساعد ناس كتير .. بدأنا م الصفر تماما .. وبقالنا اكتر من تلت شهور شبه مبنّامش عشان نطلع بحاجة محترمة تقدر تفيد الناس فعلا .. لحد م قدرنا بفضل ربنا نخرج “وصلني” للنور .. ” وصلني ” بقى عبارة عن أبلكيشن مجمع أغلب مواصلات القاهرة والجيزة الي بنستخدمها بشكل يومي .. يعني ايه ؟؟ دلوقتي لو انت عايز تروح مكان ومش عارف هتروحه ازاي سواء كنت من القاهرة او من محافظة تانية و بتيجي تتوه هنا .. وصلني هيساعدك ف دا .. كل الي عليك هتحدد انت فين وتختار عايز تروح فين بس .. ووصلني هيقولك تركب ايه ومنين بالظبط .. مش كدا بس ..

“وصلني” هيعرفك كمان تكلفة الرحلة ومتوسط الزمن الي هتستغرقه .. “وصلني” دلوقتي مغطي مواصلات القاهرة والجيزة و قريب هيغطي محافظات تانية ان شاء الله وهينزل منه قريب نسخة لل IOS عشان محدش يزعل مننا

لو حد عنده اقتراح ممكن يقوله ف الفيد باك الي في الأبلكيشن نفسه و الأبلكيشن اوف لاين – بيشتغل من غير نت”