عجز الأطباء عن تشخيصها.. والدة طفلة أصيبت بمرض نادر تستغيث بالمسؤلين (صور وفيديو)
دائما ما نسمع كثيراً عن حالات طبية نادرة، تجعل الأطفال ينامون أو لا يستطعيون اللعب مع ذويهم، أو تجعلهم انطوائيين، ولكن في هذة الحالة التي سنستعرضها لكم، شئ مختلف قليلاً، هي حالة نادرة جداً، لم يستطع الأطباء تفسيرها أو تشخيص هذا المرض “اللعين” الذي أصاب هذا الملك الوديع.
“هبة” طفلة تبلغ من العمر “8 سنوات” في سن الزهور، تسرد أمها المكلومة قصة مرضها التي لا تعرف ما هو حتى الآن، وتستغيث بالمسؤلين ورجال الأعمال وأصحاب الخير بأن يساعدوا أبنتها في تشخيص مرضها، الذي جعلها تبيع عفش بيتها وجعلها تنام على الأرض هي وابنتها المريضة.
وينقل لكم “القاهرة24” استغاثة الوالدة الملكومة، من إحدى صفحات موقع التواصل الإجتماعي “فيس بوك”، في ابنتها التي لم تتجاوز سن الثماني سنوات، ورحلة البحث عن علاج لإبنتها:-
وقالت “من فضلكم ساعدوني ، دي بنتي “هبة ” وعندها 8 سنين كانت سلمية تماما ومكانش ظاهر عليها أي مرض لحد عمر السنتين … بعد ما تمت سنتين لاحظت إنها بطلت تقدر تمسك بإيديها اللعب فأخدتها لدكتور أطفال كبير في الشرقية اللى نصحني أروح بيها لدكتور مخ وأعصاب … لفيت على أكبر دكاترة المخ وأعصاب وجميع التخصصات في القاهرة والشرقية ومحدش قدر يشخص مرضها صح اللى يقول إن مفيهاش حاجه واللى يقول أن عندها مرض نادر واللي يقول توحد …للأسف بعد كده حالتها ساءت ومبقتش تعرف تمسك أى حاجه ومبقتش تقدر تمشي وفقدت النطق ومبقتش تعرف تتكلم وإيديها بقت طول الوقت تجيب دم من كتر عضها فيها”.
وهو مرض مبيجيش إلا للبنات بس ومبيبقاش ظاهر على الطفل واداني علاج بجانب العلاج الطبيعي والتخاطب لكن للأسف بدون أى تحسن”.
أنا عملت كل حاجه أقدر عليها وصرفت كل اللي معايا عشان أعالج بنتي ومقدرتش أعالجها ، لو كان اتعرف تشخيص المرض الصح من وهى عمرها سنتين كنت قدرت على تمن علاجها لكن حاليا أنا صرفت كل اللى معايا وبعت تقريبا كل عفش بيتي وبننام عالأرض ومديونة علشان أعرف أصرف على ولادي .. لكن للأسف اضطريت أوقف علاج بنتي هبة والتأمين قدرت أصرف علاج من عليه لمدة شهرين بس لكن لما تمت البنت 6 سنين اتوقف العلاج عالتأمين ..
أنا كل اللي طالباه إن حد يساعدني في تشخيص حالة بنتي أو حد يساعدني إنها تتعالج في مصر أو بره مصر نظرا لأن مرضها نادر جدا . أتمنى إن صوت بنتى يوصل من خلال صفحتكم ويريت تردوا عليا ، انا عارفه انكم بتنزلوا حالات كتير فيريت توصلوا صوتها لكل الناس وللإعلام أو رجال الأعمال أو الجهات السيادية في الدولة ويقدروا يساعدوا بنتى ترجع تمشي وتلعب تانى زي الأطفال .. أنا والدتها ودي ارقامي”
01003105594
01097550831
