كيف تقبل الجمهور اعتذار “شيرين”؟!.. التعليقات على بيان “الأسف” تكشف (صور)
أصدرت الفنانة شيرين عبد الوهاب، بيانا صحفيا منذ قليل على حسابها الرسمي على موقع التواصل الاجتماعي “فيس بوك”، اعتذرت فيه عما بدر منها بالإساءة لمصر، على خلفية المقطع المصور المتداول لها من حفل لها في إحدى الدول العربية، التي ردت فيه على طلب معجبة بغناء أغنية “مشربتش من نيلها” قائلة: “هيجيلك بلهارسيا”.
إلا أن ما يقرب من 4000 تعليقا ورد على صفحتها حتى الآن، جاء معظمها رافضا اعتذارها عما بدر منها، معتبرين أن الفنان سفير لوطنه.
وقالت “donia gamal”، “ده علي اساس انك ماشربتيش منها والا انتي كنتي بتشربي بيبسي.. انتي انسانه مش بتحترمي نفسك و مش اول مرة تعيبي وتتكلمي علي الناس المرة دي بتعيبي في بلدك.. اعتزلي احسن لك وانا لو انتي اخر واحده في الدنيا مش هسمع لك اغنيه.. ولا هشتري لك CD روحي بلد تانيه لو دي مش عجباكي.. عيشي عيشه اهلك”.
فيما قالت “amira mero” “كده كتير.. يجب تتعملي من افعالك وكلامك الخطا لكن للاسف لا تتعلمي وذلك يؤدي الي خساره لجمهورك ووقفك عن العمل والغناء درس تتعلمي منه واتمني لكي التوفيق ومصر فوق الجميع واللي يغلط في مصر امام اي دوله او فيها لا يستحق الحب ولا التقدير”.
من جانبه قال “hisham essam”، ” الموضوع بقى سخيف من ناحيتك.. مرة سكرانه بتتكلمي ع أكبر مطرب ليه قاعده جماهيرية ف الوطن العرب تقريبا.. ودلوقتي الفيديو ده.. ولسه الحسابة بتحسب.. الفنان واجهه لجيله وفنه وبلده والغلطه محسوبه عليه بقصد او بدون”.
وعلق “tamer meshad”، “اتعودتى انك تغلطى ولما الناس تيجى تحاسبك تعيطى وتقولى اسفه ماكانتش اقصد.. غلطتى فى زملائك الفنانين وبعدين اسفة ماكنتش اقصد والناس سامحتك.. بس تغلطى فى البلد اللى خيرها عليكى وعلى غيرك محدش هيسامحك لأنك بمنتهى البساطة نسيتى نفسك وعايشة دور مش دورك حتى فى طريقة كلامك فيها تصنع مبالغ فيه ومش لايق عليكى انتى بيئة وبتحاولى تتصنعى الرقة وبصراحة مش لايقة عليكى”.
