وليد منصور مهاجمًا محمد رمضان: “عمرك ما كنت رقم واحد.. وشكلك بلطجي” (صورة)
رد المنتج الفني وليد منصور، منتج فيلم “البدلة” الذي يعرض حاليًا في السينمات، على ادعاءات الفنان محمد رمضان، والذي يعرض له حاليًا فيلم “الديزل”، بتغييره أرقام إيرادات شباك التذاكر لصالح فيلمه.
ووجه منصور على حسابه الشخصى على “فيسبوك” رسالة للفنان محمد رمضان جاء فيها: رسالة موجهه مني المنتج وليد منصور إلى شخص مجنون يدعى محمد مرضان وصلني انك بتبعت رسائل من تليفونك الشخصي تتهمني فيها بتغير ارقام الإيرادات .مكنش نفسي أرد على شخص زيك رمز للإسفاف علشان مخرج العمل ومنتجه أصدقاء محترمين بس انت زودتها قوي يا حماده .
وأضاف منصور، اولاً انت اسمك لازم كل مصر تغيره ل محمد مرضان لإنك بتفكرني بالمجانين اللي ماشين في الشارع ومش عايزين يصدقوا انهم مجانين فإرتاح يا حماده محدش عاقل هيصدقك عمرك ما كنت رقم ١ في الإيراد وعمرك ما كنت احد نجوم الصف الاول وانت عارف ان السبب ان فنك هابط يامرضان وملامحك للأسف متعرفش تعمل غير دور المدمن او البلطجي او ارهابي او حرامي انا كان نفسي متكلمش عنك لإنك أصلاً بالنسبالي وبالنسبه لكل الشعب الراقي المحترم اكذوبه وانت عارف كويس ان أفلامك طول عمرها بتفشل قدام النجوم المحترمه زي السقا وعز وتامر وأستاذ عادل امام.
وتابع: “نصيحه يا مرضان روح أتمرن تمثيل بدال مانت أداءك واحد في كل أدوارك يابني انت طبعاً انت هتموت عشان مش عارف تشتري ڤيوز زي أغانيك الهابطه فمفضوح اوي قدام الغلابه اللي مصدقينك اللي بينقرضوا واحد ورا التاني يا ولا، قسماً بالله لو لقيتك بتهرتل على اي حد تاني هيكون ردي اعنف من كده واصلاً انا لسه مخلصتش ردي انت هتموت من الغيظ عشان البدله علم عليك ولسه هنعلم اكتر وانت عارف هتتمسخر ازاي الفتره اللي جايه زي مااتمسخرت فكل أفلامك اللي فاتت”.
