القبض على ولي أمر سرق زي مدرسي لابنته فى دمياط
ألقى صاحب محل ملابس القبض على شخص أقدم على سرقة زي مدرسي لابنته الصغيرة من المحل.
ونشرت صفحة “تصاميم دمياط” على موقع التواصل الاجتماعي فيس بوك، الواقعة وسط جدل واستياء لما وصل إليه حال الأهالي من فقر وخوف وعدم مقدرتهم على شراء أبسط الاحتياجات الأساسية لأسرهم.
وقالت الصفحة المختصة بأهالي دمياط، “الدمايطة وصلوا انهم معتدش معاهم فلوس يشتروا حتى هدوم المدرسة لما راجل باين عليه انه محترم ومش حرامى يضر يمد ايده ويسرق بدلة مدرسة علشان خاطر بنته متزعلش ومتبقاش اقل من اصحابها يبقى ربنا يستر علينا من الايام الجاية”.
وأشارت الصفحة إلى، “وكان قدامنا فرصة نقول على كل مشاكلنا ونوصل صوتنا للمسئولين الاسبوع ده علشان كان عندنا اتنين من الوزراء موجودين فى دمياط ولكن للاسف اللي اتقال ووصل ليهم عكس الحقيقة”.
وقال شاهد عيان على الواقعة، “بعض الناس عرضت تدفع ثمن هذا الزي وكأن شيئا لم يكن ولكن للأسف الشديد الكثير مما ليس عندهم أدنى نخوه ولا رجوله تعالت أصواتهم والتشهير بالرجل وابنته مما اضطر الأمن بالتحفظ عليهم وتسليمهم، ياترى؟ من علا صوته وأصر على تسليمهم.. هل فعل ذلك ليثبت أنه أمين وشريف!!!”
فيما لم يصدر بيان أمنى رسمي عن الواقعة حتى الآن.